2 Tim. 4:16 - Sumi Naga CL (Re-edited) Bible (BSI)

¹⁶ Iw sükusho tsa kükügha atüghüu loye khunomu I gholo puthugho move, kümtsü no I qhive. Alhou no pano nguku pemoniu!

BAIBEL (BSI)

¹⁶ Ilikhi isaphukeutsa kukugha atughiu loye milakhimu isaphukemi kuhaveno kumtsuno iqhiveke. Alhou pelo panoqo shou ngukukeu shipemoniu!

Sümi Tiqhelimi Bible

¹⁶ I likhi I saphu keu tsa kükügha atüghiu lo, timi khumu I saphuni ke ighimoe, ikemu kümtsü no I likhi qhive ke. Alhou pelo panongu shou nguku keu shipemoniu!

2 Tim. 4:16 ပူးပေါင်းရင်းမြစ်များ

Mark 14:50

Tileno akhopemi lakhikhi no pa qhive no kümtsü pokhave.

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

Apostolmi 22:1

“Athiküzümi eno apunoqo, I no nongu zülo I shokükha tsa pinike inilo.”

Apostolmi 25:16

Ikemu Rommi khuaye lo timi khuu nguku ani keno, pa no pa nguku akeqo sasü kinheqhe kusho no kiu ghenguno pa nguku ani keno pa shokhalu moke loye kütami u lo süve tsümlae pi I no panongu khochileve.

Apostolmi 7:60

Pa no qhoqhünhe pesü asütsa kuloghi lono ighamku, “Ampeu, hipau xine panongu shou betsü kevilo.” Hi pive no pa ye zühuve.

1 Kor. 13:5

momu mkamihi chemoe. Kikimiye ye aghükha shichemo; pai amloide chemo momu alhoksa hekütsü kiyi chemoe.

1 Kor. 9:3

I peju chekemi zülo hi no I shokha cheni.

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

FILIPIAMI 1:17

Ikemu amqo atüghüu ye pütüta kimjiu xapu ani thono kuchou mlo xapu Khristo sheshu chemo kehu I no akughushi akelo itaghi I kijipüsani keu kümsü cheni.

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

2 Tim. 1:15

Nono ithi anike, Asia yeghi lo akemi kümtsü no I qhivae, eno tipaqo gholo Phygelus ngo Hermogenes pama ghi ke.

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

2 Tim. 4:15

No ampi ghi pa launo kutokupui lo, kughengu pa ye akumtoshi ningu kükütsü küla püani.

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,