2 Thes. 3:5 - Sumi Naga CL (Re-edited) Bible (BSI)

⁵ Alhouw kikimiye eno Khristow kutuukulu lo Ampeu no nongu mlo kiche sawu peniu.

BAIBEL (BSI)

⁵ Alhou kikimiye eno Khristo no kutu-ukulu tsukeulo Ampeu pelo nongu sawu peniu.

Sümi Tiqhelimi Bible

⁵ Ampeu pelo nongu mlo kiche sasü Alhou kikimiye eno Khristo’w tsükhoi keu lo wulu peniu.

2 Thes. 3:5 ပူးပေါင်းရင်းမြစ်များ

KUKAMI ATUGHIU 8:58

Pa laghi lo chelu eno Pa zakütsü, pimheye, eno ayezah khikhi ni puasüqo tsü keno kümtsü pelu penike Pa pelo ni mlo tsüghü sawo Pa lau qhilu peniu.

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

LESHELE 119:36

Alakimne küakini lo amlotsü mono I mlo pelo O kükütsüqo lo amlo tsüqhiyi pelo.

LESHELE 119:5

O kükütsü tsa papelu keu lono I laghi iqeve mono ani shike!

LESHELE 40:1

I no kheakulu shi Ampeu khe ani; Pa no I lau kughopuwo no I küqa chilu tsüe.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

AKUMLO 3:26

Milakhi no inaqhoi AMPEUw xakulu ngokhe keu ye aloe.

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Thes. 3:11

Itehi ye ningu Papu Alhou ampi, eno ni Mpeu Jisü no ni la kiche tsüno nongu lau ighilu peni,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

1 John 4:19

Ningu no kimiye kile chekeu ye Alhou paghino ningu kimiye kehue.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.