2 Thes. 2:12 - Sumi Naga CL (Re-edited) Bible (BSI)

¹² tishikeu lono khunono kuchou pülümo no amikuchokumo lo aghakiqi shi cheni keno kümtsü kileve nani.

BAIBEL (BSI)

¹² tishianguno khunoqono amikucho kumolo aghuiloqhiyi cheni eno kuchou pulu chemo keno tipaqo kileqhive niyeke.

Sümi Tiqhelimi Bible

¹² eno tishi keu vechewo kuchou pülümo no küsakügha kümlà shini keu lo alokiqishi chekemi kümtsü kiléqhive niye ke.

2 Thes. 2:12 ပူးပေါင်းရင်းမြစ်များ

LESHELE 11:5

Ampeu no amikuchomi peju cheni, ikemu Pa ye kixikila eno ngukangugha shikemi mithi ke.

HOSIYA 7:3

Panongu no pano küsakügha pesü akükau lopivi tsü, eno panow thekuchu pesü kükapumi lopivi tsüe.

MICAH 3:2

Nongu akivi mithi eno küsakügha kimiye chekeqo, Nongu no Iw timi yiko lhave tsüno asaghi lono ashi sülavetsü,

Mark 14:11

Panongu no ti chilupe amloqive no pisa pa tsüni keu shi piqhive. Tileno pa ye Jisü thechuni ke ado phu thuve.

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 2:8

ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani.

1 Kor. 13:6

Kikimiye ye alhoksa jupe alovi chemo, ikemu kuchou gholo alovi cheni.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

2 Thes. 2:10

eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.