2 Kor. 5:18 - Sumi Naga CL (Re-edited) Bible (BSI)

¹⁸ Hi kümtsü Alhou launo ke, Pa no Khristo vecheo ningu pesü Pa lau alupekili lupe eno alupekikili kümlapu ningu tsüe;

BAIBEL (BSI)

¹⁸ Hipaqo kumtsu Alhou launo ke, pano alashilupeke eno kutami pelo pa sasu alashilu penikeu kumlapu saje ningu tsuke.

Sümi Tiqhelimi Bible

¹⁸ Hipaqo kümtsü Alhou lau no ighike, pa no Khristo vechewo pa likhi pa pesü ningu sasü külashiluve püzü külakishi pichebekümlà pesü ningu tsüke.

2 Kor. 5:18 ပူးပေါင်းရင်းမြစ်များ

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

EZEKEL 45:15

Axine peve tsünike ghenguno athi kümllagho, akipti kümllagho, külakishi kümllagho gholo Israel yeghi lo azü akeu-a lo atsüni mzachu chekeu ambe loji aqhe kini akelo lakhi pesü tsülo ipi Ampeu Alhou no asheshu.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 6:30

Ikemu axine kümllagho ji kitilamu pesü lokichile shinike kuposhukulu phiki alou akimthe-a lo iloghi keu shi ye chumono ami lono pitiveni.

Luke 10:5

Nongu no khuno kilo ilo namu atüghüshi, ‘Aki hipau lo aloino alo!’ ipilo.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:27

John no khochile, “Kungugha lono tsümo kelo milakhi ye thime lakhimu ithumla nani.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 11:12

kughengu totimi no kiptimi launo lhophe ketoi, kiptimi ye totimi vecheo punue; ikemu kümtsü Alhou launo ighike.

1 Kor. 12:6

akümla küghütha jeli kütüta ani, ikemu peithalu peni keu küka ye Alhou noke.

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.