2 Kor. 5:15 - Sumi Naga CL (Re-edited) Bible (BSI)

¹⁵ Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

BAIBEL (BSI)

¹⁵ Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

Sümi Tiqhelimi Bible

¹⁵ Eno Pa no kümtsü ghenguno thive keu ghenguno xü akemiqo ye panongu likhi panongu ghenguno xü akepu kumoe ikemu panongu ghenguno thive no xülethughive keu ghenguno xü moayesae.

2 Kor. 5:15 ပူးပေါင်းရင်းမြစ်များ

KUKAMI AKINIU 5:17

Ikehu Naaman no pi, “Tishimo aye kimiyeno o qeu pelo ayeghi khurgha pe kini pewolu pelo, kughengu itehi ye o qeu ghi alhou kütau lau aghakishi momu akipti kümllagho tsümono Ampeu lau likhi tsüniae.

EZEKEL 16:6

“Kughou I no o kathawu keno no ye aji lo ihi aghi keu ithulu, o ji no o küzüpe akelo I no o vilo pi, ‘Xülo!’ o ji no o küzüpe akelo I no o vilo pi, ‘Xülo!’

EZEKEL 37:14

Eno I no I Ghungu nongu shou lepuku nani, nongu ye xüluve nani, eno I no nongu yeghi lo nongu qhinani. Tileno nongu no Ni ye Ampeu kepi ithi nani; I no piqhivae, eno I no tipau shi nani ipi Ampeu no asheshu.”

EZEKEL 37:9

Tileno Pa no I vilo pi, “Atuthu vilo tungkuptsa pilo; tungkuptsa pilo, timi nu, eno atuthu vilo pilo, Ampeu Alhou no ishi piani: O atuthu, amülhü la bidi lono ighi lo, eno ghiqhi püakemi hipaqo shou shepuku lo tishino hipaqo pelo xülu pelo.”

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

ZEKHARIA 10:9

I no shiyeqo gholo panongu hale puwuve namu putou ghakhu lono panongu no I kümsülu nani, eno pano tianuli sasü panongu no aküxü achili shi ideighi nani.

Luke 1:74

ni ghümi u lono xaphe luve akehu, ningu ye msaichi keu kühano Pa huthu peniye;

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:57

Apu xüakeu no I puwu eno I no Apu ghenguno xü aketoi, khunono I shi eno aji chushoni keno I vecheo pa ghi xülu nani.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Rommi 6:6

Ningu no ithi anino ni lhoaye aqau ye Khristo gholo no yedavae, tishianguno axine phimpi ye kütsave no tithiu ye axine qüaxemi shikithe pemo niye ke.

Rommi 8:10

Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

Galatiami 5:25

Ningu no Aghungu lono xü cheghi aye, ningu Aghungu lono checheni nolo.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Kolosiami 2:12

nongu ye baptiz shikeu lono pa gholo qhove, eno Alhou khuu akithi lono pa xüputhu keno, Pa küka kumto kümla lono nongu ghi aküpülü vecheo pa gholono xüputhuvae.

Kolosiami 3:1

Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

Kolosiami 3:23

Nono kiukiu mla namu timi ghenguno kumono Ampeu lau mla akeshi amloqi qhiyi mlaitha lo,

1 Thes. 5:10

Pa no ni ghenguno thivetsü kehu ningu no idathu aghina züaghi namu Pa gholo xülu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

1 Peter 4:6

Akiqi hipau anike gheno Atsakiviu ye thive no akemi lau ghi pesü kütsü wue, tishianguno ashi küdau ye panoqo ghi kütami lau toi küghathabe aghimu aghungu xü lou no Alhou pulou kiqi lono xülu peniye ke.

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.