2 Kor. 13:5 - Sumi Naga CL (Re-edited) Bible (BSI)

⁵ Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

BAIBEL (BSI)

⁵ Nonguye nongu kupulu mutupe anikemo keno juke pushi nongu likhi nongu chhe julo eno kughathajulo. Nonguye thwokha pheve aghinike kumo aye Jisu Khristo ye nongu lolo aniepi kumsumla kesha?

Sümi Tiqhelimi Bible

⁵ Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 13:5 ပူးပေါင်းရင်းမြစ်များ

LESHELE 119:59

Kughou I no I laghiqo kümsükutoju keno, I no I pukhune süqhepe O kükütsü küdau ighi ani;

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 26:2

I phuju lo, O Ampeu, eno I pejulo; I mlo eno I kükümsü pejulo.

JEREMIYA 6:30

Panongu pesü kileve keu ghükayi ipi kue; kughengu Ampeu no pano milive ke.”

AKUMLO 3:40

Ni laghi phuju no chhejuni nolo, eno Ampeu lau idewonie!

EZEKEL 18:28

Kughengu pa no kümsüju no pa no axine shiche keqo lono tsüghü ighike, pa ye mtsüqheino xü nani; pa ye thimo nani.

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

HAGAYI 1:7

“Ikehu aqokitikhi Mpeu no piani: Nongu laghi chhejulo.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 15:4

I lau kimepe lo, eno I no nongu lau kimepeni. Aloka lakhi no atsaibo lo kimepe mokelo pa kutoshi ye axathi pithimla ketoi nongu no I lau kimepe moke loye athi pithimlae.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 6:56

Khunono I shi chuni eno I ji shoni keno I gholo xüküqhape ani eno I no pa gholo xüküqhape ani.

John 6:6

Jisü ye pa ampi no kiu shikepu keno ithi pülaghi Philip peju niye hipa tsa pike.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 8:10

Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

1 Kor. 11:28

Ikehu milakhi khino chheju no tithiuno asho chu eno ajukhu ikhilu lo.

1 Kor. 11:31

Ikemu ningu no kuchou no ningu ampi chheju aye, ningu ye küghakütha lo ilomo nani.

1 Kor. 3:16

Nongu ye Alhou chineki eno Alhou Ghungu no nongu lolo acheni kepi mtha keshea?

1 Kor. 6:15

Nongu phimpi ye Khristo phiau kepi nongu ye mtha keshea? Tishiaye ni ye Khristo phiau pesü kütüqhalimi phiau shive tsüni keshea? Khilemu kumoe!

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

1 Kor. 6:2

Ikeo Alhou küpülümi no ayeghiqha shou küghathabe nanie pi nongu ye mtha kea? Eno nongu no ayeghiqha shou küghathabe nani pi aye, nongu ye tachutaghu vehuqo ghi küghatha mlave nani keshea?

1 Kor. 9:24

Pokuxu kelo akupomi kümtsü no pocheni kemu milakhi likhino asaxü ithulu chenie pi nongu ye mtha keshea? Ikehu asaxü ithulu kepushi polo.

1 Kor. 9:27

Ikemu I no kütami vilo asheshu cheni püzü ni ampi ye kideqhive nosa kehu, ni ye I phimpi chishi kushughi eno ghasüpe qhicheni.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 4:19

I tianuliqo, nongu lolo Khristo lhophelu moke kutolo ni ye itaghi nongu ghenguno apunu küsü toi süani!

Galatiami 6:4

Ikemu milakhi khino pa kümla pejulo, tishi aye pa kisüghümi sasü kimhe mono pa ampi shou likhi qheza kulupu shi nani.

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

1 Tim. 2:15

Ikeghi totimi no aghibiu lono aküpülü, kikimiye, eno akimtheshi xü aye, panongu ye atianuli punu keu vecheo xaluve nani.

2 Tim. 3:8

Jannes ngo Jambres pama no Moses mjochile ketoi, timi hipaqo ghi kuchou mjochile cheni. Timi hipaqo ye amlo lo küsaküghami eno aküpülü lo kihisü mlave kemi ke.

Titus 1:13

Ashepe hipau ye kuchoue. Tighenguno gheghei panongu sakiyi lo, tishianguno panongu pelo aküpülü lo mtsümishei luno

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

Titus 2:2

Mucho layemi ye tsaqütsalei, gihuküzüpu, alikhi aghasükulu shimasae, aküpülü, kikimiye, eno kutuukulu lo mtsümishei masae.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

IBRIMI 6:8

Ikemu tile asahu ngo alupi thuipeghi aye, ti ye ameküha eno ghushove ke paphi shive cheni, eno ashekha loye ami no pitive kepu shive cheni.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

1 Peter 5:9

Pa tuchile lo, nongu küpülü lo mtotoi lo, no küsami küpülümi ghi ayeghiqha kümtsü lo aghime athoshi sholu ani kepi ithilo.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.