2 Kor. 13:11 - Sumi Naga CL (Re-edited) Bible (BSI)

¹¹ Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

BAIBEL (BSI)

¹¹ Ashekhalo ghi athikuzumiqo, ileno alo! Kupukulu shinikeu kohakishilo; ino pikeu inilo; lakhino lakhi sasu kumtsa pulo kuqhalo, eno alokiqi shi xulo. Kimiyekini eno alokiqi Lhou no nongu gholo anani.

Sümi Tiqhelimi Bible

¹¹ Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

2 Kor. 13:11 ပူးပေါင်းရင်းမြစ်များ

BOTHUBO 37:4

Ikemu kughou pa mu noqo no panongu papu ye athiazümi kümtsü nguno alau pa kimiye akeu ithive keno, panongu no pa mithiuve, eno aloqiqhiyi pa pütsa mlave.

BOTHUBO 45:24

Tishino pa no pa thiküzümi puwuve, eno panongu no wuche kelo, pa no panoqo vilo pi, “Alaghi lo kütsala kevilo.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

Mark 10:49

Jisü no ngove no pi, “Pa kulo.” Khami no pa kuno pi, “Amlo mtolo, pa no o ku anike ithughi lo.”

Mark 9:50

Amti ye aloe, ikemu amti no aküqhü kühave aye, nongu ye kishino tipau qhümzai kithelu nani kea? Nongu lolo amti küqhü alo, eno lakhino lakhi sasü aloino alo.

Luke 9:61

Itaghi milakhi no pi, “Ampeu, ni ye o papeni, ikemu atüghüshi I pelo I kibolomi lau akikini tsa pive pelo.”

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

Apostolmi 18:21

Ikemu panongu qhive no wuche kelo pa no pi, “Alhou pulou shi aye, ni ye nongu lau ideighi nani,” eno pa ye Ephesus lono cheve.

Apostolmi 23:30

Kughou pa pithive niye kuchughu akeu I pithi keno, tipa mtsa I no o lau pa puwuve ani, eno pa nguku akeqo vilo ghi o zülono pa shou pikepu aghikeu pilo pivae.”

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

Rommi 12:18

Toluke thaqhü, o müzülou ye timi kümtsü sasü külakishi lono xülo.

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 15:33

Aloinokeu Lhou no nongu kümtsü gholo apeniu, Amen.

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Kor. 1:4

Pa no ni ghime kümtsü lo ni lokughunotsü cheni, tishikeu lono Alhou no ni lokughuno tsükeu pesü khunono aghime sholu ani keno, pano lokughuno tsü peniye ke.

2 Kor. 13:14

Ampeu Jisü Khristow küpükini, Alhouw kikimiye eno Aghungu Kimthew kuposhukulu no nongu kümtsü gholo apeniu.

2 Kor. 13:9

Kughou nino miqemlei anamu nongu no mtotoi ani keno, ningu ye alovi cheni. Nongu pelo kupukülailu peni keu no ni kighini ke.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Ephesiami 4:3

aloino keu kütsügha lono Alhou Ghungu no küqhakulu tsükeu püxü nike alomsülo.

Ephesiami 6:23

Apu Alhou eno Ampeu Jisü Khristo no aloino keu eno aküpülü gholo kikimiye pesü athiküzümi tsü peniu.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

FILIPIAMI 4:2

I no Euodia ngo Syntyche pama vilo Ampeu lau juno pulo küqhalu penike hakite ani.

FILIPIAMI 4:4

Alhokuthu Ampeu lono alovilo, I no itaghi pini: alovilo!

FILIPIAMI 4:9

Nongu no I launo kiu shikalu, ikhilu, chilu, eno ithuluve akeno tipaqo pewolo, eno aloinokütsü Lhou no nongu gholo anani.

1 Thes. 3:10

Ningu ye tamo mithe putho pucho inikhu ani, tishianguno ningu no agi no agi kinheqhe ghi nongu ithulu no nongu küpülü lo kiu no tomono ani keno tsükileni.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

1 Thes. 4:18

Tighenguno atsa hipaqo pesü lakhino lakhi lokughuno tsülo.

1 Thes. 5:13

eno pano kümla ghenguno kikimiye lono agigihu akiqheu tsülo. Nongu dolo külakishi lono xülo.

1 Thes. 5:16

Alhokuthu alovilo,

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

2 Thes. 3:1

Ashekhashi athiküzümiqo, ni ghenguno inikhu tsülo, tishianguno nongu gholo shike toi Ampeu tsa pesü azüu veküpha wolu eno gihulu peni,

2 Thes. 3:16

Itehi ye aloino keu Mpeu ampi no ado kümtsü lo eno alaghi kümtsü lo alokiqipu nongu tsü peniu. Ampeu no nongu gholo apelo.

2 Tim. 2:22

Ikehu alhothe lo minemighei keu launo putosü lo eno amlo kimthe lono Ampeu kuche kemi gholono amikucho, aküpülü, kikimiye, eno aloinokeu phulo.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

James 1:4

Ikehu tsaqütsalei keu küka no kupukülai lupelo, tishianguno nongu ye thokha kupukülaive nani eno kiu lonomu zülamo nani.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Piyeküsü 22:21

Ampeu Jisüw küpükini no kümtsü gholo apeniu. Amen.