2 Kor. 11:26 - Sumi Naga CL (Re-edited) Bible (BSI)

²⁶ hijeje kicheghüzü lo chekelo kümsapu jeli hipaqo sholu püani: aghoki, süxakulumi, ni likhi niw timi, shiye kütami, mishighüna lono, asayeqha lono, azüghi lono, kichile thiküzümi;

BAIBEL (BSI)

²⁶ Ino hijejehi kicheghuzu shichekelo, aghoki kumsapu sholu, suxakulumi kumsapu sholu, nilikhi niwu timiqo kumsapu sholu, ashiayeh kutamiqo kumsapu sholu, aphughilo kumsapu sholu timi kughunamokealo kumsapu sholu, azughilo kumsapu sholu eno kichile kusami kumsapu sholu ishi puani.

Sümi Tiqhelimi Bible

²⁶ ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.

2 Kor. 11:26 ပူးပေါင်းရင်းမြစ်များ

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

Apostolmi 14:5

Kughou Jewmi ngo Jewkumomi no yepemi gholo süno pama ghime eno atu pesü veqhi nike kughu keno,

Apostolmi 15:40

Eno küpülümi no Ampeuw küpükini lo ikhiphe tsüke toi, Paul no Silas kisheluve no cheve.

Apostolmi 17:13

Ikemu Berea lo ghi Paul no Alhou tsa pikülha anie pi Thessalonica lo Jewmi no chilu kelo, panongu no tilau ghi ighi no aqokitikhi kiteqhi eno xukutho thuve.

Apostolmi 17:5

Ikemu Jewmi no anheshuve, eno alaghila lo kixikilami khami hekütsü no mishighüna lo hekibide huthu, panongu no pama phusawo aqokitikhi zülo saghi niye ilo Jason ki lhethu.

Apostolmi 18:12

Ikemu kughou Gallio no Achaia lo angh shive keno, Jewmi kümtsü küqha no Paul küghape küghaki lo saghi,

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

Apostolmi 19:23

Tipa ghuloki lo, Alaghi vehu ghenguno aküküpna kije ipeghive.

Apostolmi 20:19

shishe aqhokighe eno anhezü kipiji shino Ampeu huthu, eno Jewmi no kuchughu keu vecheo ighono I pishipuju püani.

Apostolmi 20:3

Pa ye tile aqhi küthü ngove, tithiu ashuka lono Syria lo wuniye akelono Jewmi no pa pithive niye kuchughu aghive kehu Macedonia küdau no ideighini ke kughuve.

Apostolmi 23:10

Kughou kimpikile ghi kihe kileuve keno, timiqo no Paul sütha pinyive nikeu kümsa no zatsüu no ghüshimi vilo panongu gholono anguka nomu Paul sasü ghüshimi kungo-a lo ilove lopi azah tsüve.

Apostolmi 25:3

eno panongu pulou shitsü ghi Jerusalem lo Paul puqho tsülopi, kughengu panongu ye Paul no ala lo cheke lono pithive nike kuchughu ake.

Apostolmi 27:42

Akughumi no azü ghasü wuve no pove nosa kehu ghüshimi no kümtsü pithive niye kughu.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Rommi 8:35

Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

1 Kor. 15:30

Kushiye ningu ye atüqhüdo kümtsü lo kümsapu lo acheni kea?

1 Kor. 15:32

Ashi gholau no pini keloye, I no Ephesus lo tüghashiqo sasü kichighike ghenguno ni ye kiu ala shi ani kea? Kithimi xüputhu cheghimo aye, “Ningu chusho ani nolo, kughengu thoghiu ningu ye thiniae.”

2 Kor. 11:32

Damascus lo Akükau Aretas qholo Angh no I kügha luveni ye aphughi kheae,

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.