2 Kor. 10:1 - Sumi Naga CL (Re-edited) Bible (BSI)

¹ Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

BAIBEL (BSI)

¹ Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

Sümi Tiqhelimi Bible

¹ Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 10:1 ပူးပေါင်းရင်းမြစ်များ

LESHELE 45:4

Kuchou, akümtsha, eno achipiu mikucho ghenguno o kughushu lono tokulushi chewu lo; o u ajeu pelo akümzapu kümla o shikalu pelo!

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

MATTHEW 21:5

“Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

Apostolmi 8:32

Pa no Kuchoyesü mqo hipau phi cheghi: “Ambe toi ghikiqhi-a lo pa sawuve ambe no amhi kughou zülo inaqhoi ketoi, pa ye pa kichi xükho moe.

Rommi 10:20

Tishino Isaiah no mtotoi pitsü, “Khunono I phujumo keno tipaqo no I phuluvae; Ni ampi no ni avehupu shimo kemi lau pephe piyevae.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 15:15

Ikemu akimji tsa hami loye nongu ghutu kithe ghi ni ye süchile mono mtotoi yevae, kughengu Alhou no küpükini I tsükeu ye

1 Kor. 2:3

Ni ye miqemlei, msaighü eno khokhoshi nongu gholo ae,

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

1 Kor. 4:21

Nongu pulou ye khikhiu kea? Ni ye akihepusü peighi lopi keo, kikimiye lono mtshaivü ighi lopi kea?

2 Kor. 10:10

Kughengu khami no picheni, “Paw yesüqo ye mishishei eno mkamghai, ikemu pa ampi ye qeinai eno pa tsapi ye kiumu avehu kühae.”

2 Kor. 10:2

I no nongu qhüiniju anike I no ighi kelo I pelo nongu lau mghachhoipe kevilo; kughengu timi khami khunoqo no ningu ye ashi gholau no checheni pi pülüpüsa cheni keno ni ye tipaqo lau mghachhoi nanike.

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

2 Kor. 11:21

Ni ye kujoqhiyi pi masavae, ningu ye titoi shinike ighono miqemleive kena! Ikemu kütami khuana no ighü mono qhezalu aghi aye—ni ye küghüzümi lakhi toi pi anike—ni ghi ighü mono qhezalu nani.

2 Kor. 11:30

I no qheza kepushi aye, ni ye I kutokumo kichepiye keu lono qheza nani.

2 Kor. 12:5

Timi hipau züqhushi I no qhezani, ikemu I kutokumo ghenguno kumo aye I ghenguu ye qhezamoe—

2 Kor. 3:12

Ningu ye lajupu hitoi keu anike ghenguno amlo mtotoi acheni.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

2 Kor. 7:4

Ni ye shoboi shi nongu vilo pi ani; ni ye nongu jupe shishe akijivile acheni; ni ye alokughuno shi anie. Aveküsa kümtsü lo ni ye alokivi no qochili acheni.

Galatiami 4:13

Nongu no ithi anike I philo küsükini akeu ghenguno ni ye atüghüshi nongu lau atsakiviu kütsüe,

Galatiami 5:2

Julo: ni Paul no piani, nongu no aphighüyiko kügha ikhilu aye, Khristo ye nongu vehupu kühavae.

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

FILIPIAMI 4:5

Timi kümtsü no o kümtsha ghili ithi pelo. Ampeu ye aphivilo ani;

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

2 Thes. 3:17

Ni, Paul ampi no I u pesü petha hipau yelu ani. Iw yesü kümtsü lo hi no kuchoue pikeu michipu ke; ni ye hipa ghola lono ye cheni.

Philemon 1:19

Ni Paul no, I u no hi ye ani: I no lochile nani—I no o piputo akepu küha kemu kuchou loye nou no I pi puanie.

Philemon 1:9

tishimu kikimiye ghenguno, ni ye o qhüinijuni keu shivae—ni Paul, layemi lakhi eno itehi Khristo Jisü ghenguno akughumi shi akeu—

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.