2 Kor. 1:19 - Sumi Naga CL (Re-edited) Bible (BSI)

¹⁹ Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

BAIBEL (BSI)

¹⁹ Kughengu Alhou Nu Jisu Khristo pesu nongu gholo Sila, Timothi eno isheshu huye “Iye” “Moe” ipikeu tsa kumoe, ikemu Alhou no “Iye” ipikeuye pake.

Sümi Tiqhelimi Bible

¹⁹ Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

2 Kor. 1:19 ပူးပေါင်းရင်းမြစ်များ

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

IPEKULU 3:14

Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

MATTHEW 27:40

eno pi, “No achineki xaleve no ghulo küthü lono shipuku luveni küau, no ampi xaluve lo! Nono Alhou Nu shiaghi aye kros lono iqighive lo.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

Mark 1:1

Alhou Nu Jisü Khristo tsakiviu ghili hukuthu.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

John 1:34

I no ithulu no nongu vilo ashepe shitsü anike hi no Alhou Nue.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 19:7

Jewmi no pa khochile, “Ningu ye Ayezah ani, eno Ayezah tipau kiqilo pa ye thive masae, kughengu pa no pa ampi pesü Alhou nu shiveke.”

John 20:28

Thomas no pa khochile, “I Mpeu eno I Lhou!”

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 6:69

eno no ye Alhouw Akimtheu kepi nino pülü luve no ithivae.”

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 16:1

Paul no Derbe ngo Lystra lo ghi ighi. Akhopemi lakhi, Timothy ipikeu, aza no Jewmi küpülümi eno apu no Greekmi, tile aghi.

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Apostolmi 9:20

Tithiu pa no mtazü sinagog lono Jisü ghili sheshu, “Pa ye Alhou Nue.”

2 Kor. 1:1

Paul, Alhou pulou vecheo Khristo Jisüw apostol, eno ningu thiküzüu Timothy nikujo no, Corinth lo Alhou kukuhou eno Achaia qhalo küpülümi kümtsü lau yelu ani:

1 Thes. 1:1

Paul, Silvanus eno Timothy no, Thessalonia lo Apu Alhou eno Ampeu Jisü Khristo kukuhou lau: Küpükini eno aloino keu tsü ani.

2 Thes. 1:1

Paul, Silvanus, eno Timothy no, Thessalonia lo ni Pu Alhou eno Ampeu Jisü Khristo kukuhou lau:

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 1:11

tipaqo ye hauve nani, ikemu No ye anani; ti kümtsü aphimini toi pexave nani,

IBRIMI 13:8

Jisü Khristo ye ighi, ishi eno alholo aphiphie.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

2 Peter 1:17

Kughou Apu Alhou no agigihu eno ajuküvü Pa tsü, eno ajuküvüpu kükanguagha sütsa huno, “Hi ye I Nu I qhuu, I mlokiqi Pa lau acheni,” ipi ashepe tsü keno,

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.