1 Tim. 4:3 - Sumi Naga CL (Re-edited) Bible (BSI)

³ Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.

BAIBEL (BSI)

³ Timi tipaqono timino kulakupu shikeu eno achuqupu hami chukeu lakha cheni. Ikemu pululuvekemi kuchou ithivekemiqo pelo shikimthi kighini lono chulupeniye Alhou no achuqupu tipaqo lhotsuke.

Sümi Tiqhelimi Bible

³ Panongu ye timi no külakupu shini keu lakha cheni eno achuqu hami khikhi küpülümi eno kuchou ithi akemiqo pelo shikimthi tsü ghi peitha peniye Alhou no lhosü keno tipaqo chupemo niye panongu lau azah tsü cheni.

1 Tim. 4:3 ပူးပေါင်းရင်းမြစ်များ

BOTHUBO 9:3

Ithakiche lhoxü thaqhü no o chuqupu shi nani. Eno I no ayetsüni nongu tsüve ketoi thokha kümtsü nongu tsü ani.

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

DANIEL 11:37

Pa ye pa puasü lhouqo lau, momu totimiqo no kimiye chekeu lhou laumu amlo tsüqhiyi mo nani. Pa ye kiu lhou laumu amlo tsümo nani, kughengu pa no kümtsü shou pa ampi süqhe nanie.

MATTHEW 14:19

Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

MATTHEW 15:11

akichi lo kiu ilo keno tino timi shikuchhube chemoe, ikemu akichi lono ipeghi keu no timi shikuchhube cheni.”

MATTHEW 15:36

pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

Luke 24:30

Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü.

John 6:23

Ampeu no shikimthi tsüno panongu no asho chukeu-a phivilo Tiberias lono ashuka kütauqo ighi.

Apostolmi 27:35

Pa no hi pive kethiu, asho ikhipe kümtsü zülono Alhou shikimthi tsüno süphope chuuve.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 14:3

Khuu no chucheni keno pa ye chuchemo keu jukünatha moni, eno khuu no chuchemo keno pa ye chuche keu jukünatha moni, kughengu Alhou no pa ikhiluve ake.

Rommi 14:6

Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

1 Kor. 6:13

“Achuqupu ye akive ghenguno eno akive ye achuqupu ghenguno ke”—ikemu Alhou no tiküma gha kütsave nani. Aphimpi ye kipti-toti dolo mithekumo ghenguno kumoe, ikemu Ampeu ghenguno, eno Ampeu ye aphimpi ghenguno ke.

1 Kor. 7:28

Ikemu nono külauve namu no ye axine shiamoe, eno totimi lakhi no külauve namu li ye axine shiamoe. Ikemu khunono külauni keno ayeghi lo veküsa jeli sholu nani kehu ni ye tipau lono nongu hakha niye ke.

1 Kor. 8:8

Achuqupu no ningu pesü Alhou kupunu lumo nani. Nino chumoke ghenguno ningu no alhoksau ke kumoe, eno chuke ghenguno akiviu ke kumoe.

Kolosiami 2:16

Tighenguno timi khunomu chuqu-kusho, tiqhetini, aqhi kithe, momu Sabbath pine ghenguno nongu shou küghathabe pekevilo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

1 Tim. 2:4

Pa ye timi kümtsü pelo xaluve eno kuchou ithi penishi ke.

1 Tim. 4:4

Kughengu Alhou no lhosü keu kümtsü akivi, eno shikimthikütsü lono ikhilu aye kiumu milive kepu kühae,

1 Tim. 5:14

Ikehu ni ye chimemi lhotheqo pelo külave no atianuli auve penishi eno akibo peithauve penishie, tishikeu lono ni ghümi no ni lhoksa pimo nani.

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

SAMUEL ATUGHIU 9:13

Nokujo no mishighüna lo iloghi kelo pa no qhemghaike-a lo chusho niye wumphi lono pa sholu nani. Kughengu pa no aghakishi kümghatsü masa keke pa ighi kumo züu ye timiqo ye chushomo nani; tithiu no khunoqo kusü püani keno panoqo no chusho nani. Itehi wulo, nokujo no lo-i pa sholu nani.”