1 Thes. 2:2 - Sumi Naga CL (Re-edited) Bible (BSI)

² Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

BAIBEL (BSI)

² Nonguno ithianike, Filipia lo nishikighime eno nishikukujo ghi peitha keghi ningu Lhou no amlo kuloghi ningu tsukeu lono, tilau ghi shishe ningu hakha aepinamu nongu vilo atsakiviu pikulhaluke.

Sümi Tiqhelimi Bible

² Nongu no ithi akeu toi ningu ye püzüu Philippi lo imeve eno ighono ningu peithapüsa ke, ikemu ningu Lhou kukuphu vechewo ghokichile kumto sholu anamu nongu vilo Alhou tsakiviu pini keu lo amlo kumto shilu ke.

1 Thes. 2:2 ပူးပေါင်းရင်းမြစ်များ

Apostolmi 14:3

Ikehu pama no tile ado kushuo ngono Ampeu ghenguno mtotoi paw küpükini tsa pesü thopi shi, eno amchipu ngo akümzapu kümlaqo shie.

Apostolmi 14:5

Kughou Jewmi ngo Jewkumomi no yepemi gholo süno pama ghime eno atu pesü veqhi nike kughu keno,

Apostolmi 16:12

tileno Philippi lo wu, hi ye Macedonia lo mishighüna aghiu eno Rommi ghüna lakhi. Ningu no hile atsala hami ngove.

Apostolmi 16:19

Ikemu kughou li mpemi no panow ilokighi la kühave keu ithive keno, panongu no Paul ngo Silas pama küghape mishi-a lo yepemi zülo sünhe saghi.

Apostolmi 16:37

Ikemu Paul no xaküthami vilo pi, “Panongu no mishi zülono küqümo kemi, Rom ghakhumi, heqhi no akughu shive no itehi ye tuqhou no ni pheve lopi ani keshea? Moe! Panongu ampi no ighi no ikhiphe masae.”

Apostolmi 17:1

Paul ngo Silas no Amphipolis ngo Apollonia hechesü Thessalonica lo ighi, tile Jewmi sinagog ae.

Apostolmi 17:17

Ikehu pa no sinagog lono Jewmi ngo Alhou sükümsami, eno alhikishi-a lono tsalakipe tile aghi kemi sasü küptsa kiqikutoju.

Apostolmi 19:8

Pa no aqhi küthü qhalo sinagog lono amlo kumtoshi timiqo pütsa, kütsala, eno Alhou yekipe ghili pesü züiza.

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

Apostolmi 4:20

kughengu ningu ye kiu ithulu eno chiluve akeno pimono amlavae.”

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

2 Kor. 3:12

Ningu ye lajupu hitoi keu anike ghenguno amlo mtotoi acheni.

Kolosiami 2:1

Nongu eno Laodicea lo küami ngo khunoqo I sasü kusholu mphi keno, ni ye nongu ghenguno ime mla akeu nongu pelo ithi penishi ani,

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.