1 Thes. 2:13 - Sumi Naga CL (Re-edited) Bible (BSI)

¹³ Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

BAIBEL (BSI)

¹³ Ninguno tamono Alhou shikimthi achekeuye hipau ghenguno ghike. Kughou ninguno Alhou tsa pesu nongu lau sughikeno, nonguno tipau initsuke eno tipauye timi tsa toi kumono Alhou tsa toi ikhilutsuke, mtsuqheyino tiye kuchouke. Kughengu Alhou ye nongu kupulumiqo gholo mla anike.

Sümi Tiqhelimi Bible

¹³ Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

1 Thes. 2:13 ပူးပေါင်းရင်းမြစ်များ

JEREMIYA 44:16

“Nono Ampeu je lono ni vilo kiu piani keno, ningu ye tipaqo inimoe.

HAGAYI 1:12

Tileno Shealtiel nu Zerubbabel ngo Jehozadak nu achinetou Joshua eno ghükulumi kümtsü no Ampeu panongu Lhou no puwu ketoi tungkupu Haggai tsa eno Ampeu panongu Lhou sütsa gholu. Eno timiqo no Ampeu sümsa.

MATTHEW 10:20

Kughengu atsa pini keu ye nongu no kumoe, ikemu nongu Papu Ghungu no nongu vecheo pi nani.

MATTHEW 10:40

“Khukhumu nongu ikhilu keu ye ni ikhilu ani, eno ni ikhilu keu ye I puwu keu ghi ikhilu ani.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

Luke 5:1

Ghuthu lakhi lo Jisü no Gennesaret yizükucho phivilo puthugho akelo aqokitikhi no Alhou tsa ininike pa lau kikiyi kuko iloghive.

Luke 8:11

Kimghikipiye kimji ye hike: Apiti ye Alhou Tsa ke.

Luke 8:21

Ikemu pa no khochile, “Khunono Alhou tsa chilu no ti pecheni keno, pano no I za eno I thiküzümie.”

John 15:3

I no nongu vilo pive keu tsa vecheo nongu ye mithe anie.

John 17:17

Kuchou pesü panoqo qhukimthe tsülo, O tsa ye kuchou ke.

John 17:19

Eno panoqo ghenguno I no ni ampi kishekimthe ani, tishianguno panongu ghi kuchou lono pano qhukimthe peniye ke.

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Apostolmi 13:48

Jewkumomi no hi chilu no alokivi shi Ampeu tsa sheqhe thuve, eno lhokta küxü lo kishesü luve kemi no pülü luve.

Apostolmi 16:14

Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 8:14

Samariami no Alhou tsa ikhiluve keu Jerusalem lo apostolmi no chilu kelo, panongu no Peter ngo John pama puwu.

Rommi 10:17

Ikehu aküpülü ye chikulu lono ipeghi cheni, eno chikulu ye Khristo tsa vecheo ighi cheni.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

Galatiami 4:14

eno I phimpi lo küsükini anamu nongu no I thogha momu peve mono Alhouw kungumi toi eno Khristo Jisü toi ni ikhilue.

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

IBRIMI 4:2

Kughengu panoqo lau toi ningu lau ghi atsakiviu ighi, ikemu panongu no chilu keu tsape ye pano lapu shimove, ti ye panongu no aküpülü süno ti chilu kemi sasü küqhalu moke.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

1 Peter 1:23

kughengu nongu ye shipüsa kulupu piti lono kumono shipüsa kümlapu piti, aküxüpu eno pülhapuju achekeu Alhou tsa vecheo punu kithevae;

1 Peter 1:25

ikemu Ampeu tsa ye alholo acheni.” Eno Atsa hipau ye nongu lau sheshuve keu Tsakiviu huke.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.