1 Peter 1:21 - Sumi Naga CL (Re-edited) Bible (BSI)

²¹ Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

BAIBEL (BSI)

²¹ Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

Sümi Tiqhelimi Bible

²¹ Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 1:21 ပူးပေါင်းရင်းမြစ်များ

LESHELE 42:5

O I ngulho, kushiye aghüthisü eno I lolo pütaqhi ani kea? Alhou pükhü lo; kughengu ni ye itaghi Pa sheqhe nani, I xakuluu

JEREMIYA 17:7

“Ampeu shou pükhübe kemi, Ampeu pesü pa küpkhü shikemi kümghapue.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

John 12:44

Jisü no ighamku pi, “Khunono I pülü ani keno, I pülü anike kumoe ikemu I puwu keu pülü ani.

John 14:1

“Nongu mlo kütakihi kevilo. Alhou pülülo; Ni ghi pülülo.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 17:1

Jisü no hipaqo pive kethiu pa gi peqhepe kungugha lo juno pi, “Apu, atüqhüdo ye ighivae, O Nu pelo O juküvüpu shilu penike O Nu juküvüpu shitsülo.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 2:24

Ikemu Alhou no akithipu ghime shipühave tsüno pa xüputhuve, kughengu akithi ye pa küghape püamlave.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 4:24

ningu ghengu ghi ke. Ningu khunono akithi lono ni Mpeu Jisü xüputhu keu Lhou pülü cheni keno kümtsü lau ghi ti kihitsü nani.

2 Kor. 6:15

Khristo ye kiu lono tüghami sasü küqhalu nani kea? Momu küpülümi ye pülümokemi sasü kiu aqü shikulupu ani kea?

Ephesiami 1:15

Nongu küpülü Ampeu Jisü lau akeu eno nonguw kikimiye küpülümi kümtsü lau akeu I no chiluve akehu hipau kimji ghenguno,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Tim. 1:1

Khristo Jisüw apostol Paul no, ni Xakuluu Alhou zakütsü eno niw lajupu Khristo Jisü vecheo,

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

1 Peter 1:11

panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.