1 Peter 1:20 - Sumi Naga CL (Re-edited) Bible (BSI)

²⁰ Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

BAIBEL (BSI)

²⁰ Ayeghiqha ghomphi lono paye kishephepe puaveke ikemu nongu ghenguno hi kishekhakeu tsala lono pephepiyevae.

Sümi Tiqhelimi Bible

²⁰ Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 1:20 ပူးပေါင်းရင်းမြစ်များ

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

AHOLE 8:23

Mulhou ayeghi lhophe mphilo, abothu lono ni ghüpe qhike.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

Ephesiami 3:11

Hi ye Paw lhokta kimji ni Mpeu Khristo Jisü launo shikupu tsükeu kiqi lono ke,

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

Kolosiami 1:26

hi ye wove keu tiqheli lo tuqhou shi küsü püache kemu itehi ye küpülümi lau pephe piyevae.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 John 1:2

kughou aküxüpu tipau pephe piye keno, ningu no ithulu no ashepe shitsü, eno lhokta küxü khikhi Apu gholo ache püzü ningu lau pephetsü keno, tipau pesü nongu lau sheshu ani.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.