1 Kor. 7:5 - Sumi Naga CL (Re-edited) Bible (BSI)

⁵ Nongu no akighini shiniye pulo küqhano ado hami kusholu move kelo kumo aye lakhino lakhi milive kevilo. Kütüta shivemu itaghi kuloqu luvelo, tishianguno nongu no alikhi aghasümla namu Satan ye nongu ghuju mla nani.

BAIBEL (BSI)

⁵ Nonguno ado peveno kumvu akighini shiniye kihikuthado ghenguno kushomonikeu shi kumtsa pulo kuqha puaghinike kumoaye akimi anipu dolo milikilekeu shikevilo, ikemu itaghi kumtsa ngoluvelo, tishi anguno nonguno alikhi aghasu mlavekeulo Satan no ghujukeulo ilove pemonike.

Sümi Tiqhelimi Bible

⁵ Amlotsüqhiyi akighini shi niye ado hami ghengu likhi no kushomo nikeu puloküqha püaghi nike kumo aye akimi-anipu dolo lakhi no lakhi mili kevilo. Tisheno itaghi kümtsa ighino ngoluve lo tishianguno Satan pelo nongu likhi nongu ghasü müla keu ghenguno nongu ghuju pemo niye ke.

1 Kor. 7:5 ပူးပေါင်းရင်းမြစ်များ

IPEKULU 19:15

Eno pa no timiqo vilo pi, “Atsala aküthüni ghenguno kutolulo; totimi phivilo wu kevilo.”

IPEKULU 21:10

Tsala pa no pa sala anipu kütami luve aye, pa ye anipu atüghüu chuqupu, aphimini eno li chipiu kümghüve tsümoni.

JOYIL 2:16

timiqo hekütsü lo. Aqoahomi kishekimthe tsülo; layemi kukumqo lo; itimi eno akichhelo kupu nga kutolo hekütsü lo. Külapuu no pa chebo qhivelo, külaliu no li kungo-a qhivelo.

ZEKHARIA 7:3

eno aqokitikhi Mpeu chineki lo achinemi ngo tungkupmi vilo pipe, “I no ampe kutomo shi ighive ketoi ni ye aqhi apunguu lo mloqa eno kümvü akepu kemo kea?”

MATTHEW 17:21

Ikemu akighini ngo kümvü keu likhino thono kiu nomu shimlae.”

MATTHEW 19:11

Ikemu Jisü no panoqo vilo pi, “Khuno lau hipau tsü püani keno tipaqo likhino kumo aye kümtsü no hipau tsa pemlae.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

1 Kor. 7:4

Kughengu anipu ye li phimpi shou kükagha kühae, ikemu akimi no ani. Titoi akimi ye pa phimpi shou kükagha kühae, ikemu anipu no ani.

1 Thes. 3:5

Hi ghenguno kughou I no kutuu mlave keno, ni ye ghukujuu no nongu ghuju sawuve no ni kümla adou shive nosa keu kümsa lono nongu küpülü ghili ithini ye Timothy puwuke.