1 Kor. 7:17 - Sumi Naga CL (Re-edited) Bible (BSI)

¹⁷ Ampeu no pichebe keu kiqi lono eno Alhou no kiu lo kuluve akeno milakhi khino tipau kiqi lono xülo. Akukuhou kümtsü lo hi ye I khuaye ke.

BAIBEL (BSI)

¹⁷ Tishiepimu, pututano Ampeu no kumsagho pa tsu keu kiqi lono pa kuxu xulo eno Alhou no kiulo pa kuluve akeno tipaulo xulo. Niye hipau pesu akukuhou kumtsulo pepimhekeu-yeh shi acheni.

Sümi Tiqhelimi Bible

¹⁷ Tishiepimu, timi kümtsü no Ampeu no panongu pichetsüpüa keu toi kiu-kiu toi keu tüqhüdo lo aghíe pimu Alhou no panongu kulù keu kiqi lono küpülümi lakhi shi xü moayesa ke. Ayeza hipau ye I no akukuho kümtsü lo qhitsü anike.

1 Kor. 7:17 ပူးပေါင်းရင်းမြစ်များ

MATTHEW 19:12

Kughengu apunu lono shoko shive kemi ani, khami ye timi no shoko kughulhove kemi ani, eno khami ye Kungugha yekipe ghenguno alikhi ampi pesü külamo no shoko shive kemi ani. Khuu no hi pelu nani keno pa pelo ikhilu pelo.”

1 Kor. 10:32

Jewmi na, Greekmi na, Alhou kukuhou namu, khuu laumu akipimi tsü kevilo,

1 Kor. 11:16

Khuana no hipa vehulo kütsala kepu aghimu, ningu na Alhou kukuhouqo namu hitoi keu shichemoe.

1 Kor. 11:34

khuana no müzüthi aghi aye, pa ye aki lono chuvelo—tishianguno nongu no kumqo kelo nongu shou küghathabe monani. Kütau vehuqo ye I no ighi kelono kiche tsüni.

1 Kor. 14:33

Kughengu Alhou ye kübangü keu Lhou kumono iqüghai keu Lhou ke. Eno Alhou kukuhou kümtsü lo

1 Kor. 16:1

Itehi ye küpülümi ghenguno asüqha vehulo: Galatia kukuhouqo lau I no kichetsü ketoi nongu ghi tishi masae.

1 Kor. 4:17

Hi ghenguno I no Ampeu küdau no pükhükulupu nu, I qhuu Timothy nongu lau puwu ani, ti ye I no Khristo gholo cheche keu pesü akuaqha lo akukuhou kümtsü lau shika cheke toi nongu kütü peniye ke.

1 Kor. 7:18

Khuana aphighüyiko ghave kethiu no kulu kemi ani keshea? Pa ye aphighüyiko michipu shipühani ye shikevilo. Khuana aphighüyiko ghamphi lono kulu keu ani keshea? Pa ye aphighüyiko ghaniye shi kevilo.

1 Kor. 7:24

Ikehu, athiküzümiqo, kiukiu tüqhüdo lono kulu püaghi namu, tipau lono Alhou sasü kuposhulo.

1 Kor. 7:7

Ni ye kümtsü pelo ni ampi hutoi shi penishi ani. Ikemu kümtsü no Alhou launo agho ithulu keu ani, milakhi no agho lakhi eno lakhiu no agho kütau ani.

2 Kor. 11:28

Kütau kümtsü nguno alauno, akukuhouqo ghenguno kütakihi keu huno tsalakipetsü I choha acheni.

2 Kor. 8:18

Pa gholono athiküzüu khuu atsakiviu pikülhake ghenguno akukuhou kümtsü lo ajekipi shi acheni keno ningu no pa puwu ani.

Galatiami 1:22

Ti kutolo Judea lo Khristo lau akeu kukuhouqo lau ni ampi ye kujuthi mono ake.

1 Thes. 2:14

Nongu athiküzümi no Judea lo Khristo Jisü gholo Alhou kukuhou akeqo kimihi shilue. Kughengu panongu no Jewmi launo ghime keu sholuke toi nongu ghi no ghakhumi launo aphiphi sholue.

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.