1 Kor. 5:11 - Sumi Naga CL (Re-edited) Bible (BSI)

¹¹ Ikemu itehi I no nongu lau ye akeu ye hike: timi khuu no pa ye athiküzümi lakhie pi püzü kipti-toti dolo mithekumo shicheni, alamine, ajulho mlla, momu kütami thaigha, shomzü, pükaqhi cheni keno, timi tipau sasü kuloji kevilo—tikithipu ye sasü kuchu-kushomu shikevilo.

BAIBEL (BSI)

¹¹ Tikumoe, ikemu ino nongu lau yekeuye hike: timi khuuno paye athikuzumi lakhi kepi picheni ikemu kiptitoti dolo mithemokeu shicheni, aghukha shicheni, Alhou nguno ajulho kutau mlla cheni momu kutami thaigha cheni, shomzu cheni, pukaqhi cheni ishi keno nonguye timi tipau sasu kuposhu kevilo. Tikithipu timiye sasu kuchu-kusho ghi kumtsa shikevilo.

Sümi Tiqhelimi Bible

¹¹ Ikemu I no nongu lau yè akeu ye khukhumu nongu thiküzümi momu nongu chelimi lakhi kepi pükha püzü kipito kimthe kumo kümlà shi momu alakimine shi, ajulho mülá momu timi pipüsa, shomzü momu pishikiqhi ishi kemi gholo nongu pelo kuloji pemo niye hipau yè anike. Hikithipu timi sasü ye kümtsa ghí chu-sho kevilo.

1 Kor. 5:11 ပူးပေါင်းရင်းမြစ်များ

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

MATTHEW 18:17

Pa no tipaqo tsa ini tsümo aye akukuhou vilo pilo. Eno pa no akukuhou tsa ghi initsü move aye, pa pesü ayekümthami momu asüqha küqhami toi peithalo.”

MATTHEW 23:25

“Nongu Ayezah shikükami ngo Phariseemi hasapue, keghilishi chekeqo! Nongu no akhu ajukhu ashou küsüve cheni, ikemu alou ye aghükha ngo süxakulu no chhitoi ani.

Luke 18:11

Pharisee huno puthughope pa sala likhi hitoi inikhu: ‘Alhou, I no O shikimthi akeu no ni ye timi kütami toi süxa kuchumi, amikucho kumomi, salha-shupumi kumoe, momu hi zame küqhau toikeu mu kumoe.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

Apostolmi 9:17

Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

1 Kor. 10:14

Tighenguno, I no kimiye chekeqo, ajulho kümlla lono povelo.

1 Kor. 11:21

Kughengu ti chukelo nongu ye pütüta libe chuve no khami no müzüthi, khami no shomzüve cheni.

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

1 Kor. 6:6

Tishinike züqhulo athiküzümi lakhino lakhi sasü küghaki lo pülümokemi zülono atsakügha wuni keshea?

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

1 Kor. 7:12

Kütamiqo vilo I no pi anike (Ampeu no kumono I no ke) tsala athiküzümi lakhino pülümokemi anipu luve no li no pa sasü küghüna nike pulo aghi aye, pa ye li küghüxave kepu kumoe.

1 Kor. 7:15

Tishimu aküpülü kumou no ixani shive aye, tishive pelo. Titoi keu loye athiküzümi momu achelimi huye kuqho phevae. Alhou ye aloino keu küxü lo nongu kuluvae.

1 Kor. 8:11

Ikehu miqemlei keu athiküzüu, khuu ghenguno Khristo no thive keno, hipau ye o kighithi vecheo kütsavae.

Galatiami 2:12

Kughengu James launo timi khami puwu keu ighi mphilo pa ye Jewkumomi gholo chusho che, ikemu panongu no ighi kelo pa ye aphighüyiko küghami mqo msa kelauno pa kütashi tsüghüve.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

2 Thes. 3:14

Khuana no niw yesü hipau lo kiu piani keno agholumo aye, timi tipau jukimchipe qhilo, pa gholo kuloji kevilo, tishino pa pelo kujove pelo.

2 Thes. 3:6

Athiküzümiqo, itehi ningu no Ampeu Jisü Khristo je lono azah nongu tsü ani, khunono akipichi shi xücheni eno nongu no ni launo ikhilu keu kükütsu kiqi lono xüchemo keno, panongu launo tsüghüve lo.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

2 John 1:10

Khuana no nongu lau ighi kelo hipau kükütsü peighimo aye, nongu kilo pa sasü kevi, momu pa sasü pethamu shi kevilo,

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.