1 Kor. 4:6 - Sumi Naga CL (Re-edited) Bible (BSI)

⁶ Athiküzümiqo, nongu pelo ala shipeniye I no thime hi kümtsü pesü Apollos nikujo launo kiche piyevae, tishianguno nongu no ni launo shikalu no yepüakeu nguno alau shimo nani. Tishino nongu ye milakhi pape cheni pikeu qheküza lono lakhiu phimove keu shimo nani.

BAIBEL (BSI)

⁶ Athikuzumiqo nongu pelo ala shilupenike ghenguno niye hi pivekeutsa kumtsu pesu Apollo ikujo launo kichepiyeve ani. Titoi shikeu lono, “Yepuakeu akivishi jukutolo” ipikeu kiqi nongu pelo ithi peniyeke. Nongu gholo khunomu milakhi jupesu qhezano kutami lakhiu phimove kepu kumoe.

Sümi Tiqhelimi Bible

⁶ Ikehu, athiküzümi eno achelimiqo, Apollos nikujo ye nongu kivipu ghenguno thime hipaqo kümtsü nikujo küxü lono kiqi pesü pi anike, tishi keu vechewo nongu pelo ningu lau no küghakiche tsa, “Kiu yèpüani keno tipau veche kevilo,” ipikeu ithilu peniye ke. Tishianguno nongu ye ningu sakiphemi dolo lakhi ju pesü qheza no lakhiu phimove keu shipemo niye ke.

1 Kor. 4:6 ပူးပေါင်းရင်းမြစ်များ

LESHELE 146:3

Sakiphemi shou o küpkhü qhi kevilo, timi shou pükhübe kevilo, pa ye xakulupu kühae.

LESHELE 8:4

timi ye kiu keno No ye pa kümsülu cheni, eno timi nu ye kiu keno No ye pa hiju acheni kea?

ISAIAH 2:22

Timi shou pükhübe kevilo, kughengu pa ye atuthukishe kumo aye kiu meküapu ani kea?

Apostolmi 18:24

Alexandriami Jewmi lakhi Apollos ipikeu, atsa pikithimi eno Kuchoyesü ithishe kemi, no Ephesus lo ighi.

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

1 Kor. 1:12

I no piakeu ye hike: nongu lakhikhi no piani, “Ni ye Paul laumi,” “Ni ye Apollos laumi,” “Ni ye Peter laumi,” momu “Ni ye Khristo laumie.”

1 Kor. 1:19

Kughengu ishi yepüani: “I no alokütsümi lokütsü shipühave tsü nani, eno vethakulumiw vethakulu kütsave tsü nani.”

1 Kor. 1:31

Tighenguno ishi yepüa ketoi, “Khuu no qhezani keno Ampeu küdau no qheza pelo.”

1 Kor. 13:4

Kikimiye ye kheakulu eno amlo ighiqhiyi; kikimiye ye aghichipo chemo, qhezalaki chemo; akuchhoma shichemo;

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

1 Kor. 3:21

Ikehu khumu timi pükhüpe qheza kevilo. Kughengu thokha kümtsü nonguw ke,

1 Kor. 5:2

Ikeghi nongu ye akuchhoma shiani! Nongu ye mlo akelau kekumo? Khuu no hikithipu shipüani keno nongu gholono haphevelo.

1 Kor. 5:6

Nongu qheküza ye aloke kumoe. Kholaqhi kitila no asho kunu püakeu kuchopu inguvepe chekeu nongu ye mtha keshea?

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

1 Kor. 9:23

Ni ye atsakiviu ghenguno hi kümtsü shicheni, tishianguno panongu gholo ni ghi tipau kükümgha küsaje niyeke.

2 Kor. 10:12

Ningu ye khunoqo alikhi ampi sheqhe cheni keno tipaqo sasü jokümtsa momu kimghi amoe. Ikemu kughou panongu no alikhi ampi mighiju eno kütami sasü jokümtsaju ani keno, panongu ye vethakulu kighithi kühae.

2 Kor. 10:15

Ningu ye aqü kiyeve ghi kütami no ichheime mla püakeu lo qheza chemoe. Ikemu nongu küpülü no thuwu keu gholono nino nongu gholo mla kepu lughi ghi shishe pekholu peni keu no niw lajupu ke,

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

2 Kor. 12:6

I no qhezani shiaye, ni ye küghüzümi shivemo nani, kughengu ni ye kuchou tsa pi nani; ikemu I no süchileve cheni, tishianguno khuu pelomu ni ithulu chekeu momu I ghili chilu chekeu nguno alau kümsü penishi moke.

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.