1 Kor. 3:18 - Sumi Naga CL (Re-edited) Bible (BSI)

¹⁸ Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

BAIBEL (BSI)

¹⁸ Timi khumu alikhi ampi pishiqhi kepu kumoe. Nongu gholo khualano paye hipa yeghi gholalo asuqe kighithimi kepi kumsu aghi aye, paye asuqekighithimi kuchou shinike ghenguno mbomzumi lakhi shivekepue.

Sümi Tiqhelimi Bible

¹⁸ O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

1 Kor. 3:18 ပူးပေါင်းရင်းမြစ်များ

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

AHOLE 3:5

O mlo kuchopu pesü Ampeu pükhüni thono ow vethakulu shou mungube kevilo.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

AHOLE 5:7

O anuliqo, itehi ye I tsa inilo, eno I kichi lono piqhikeu tsaqo kümsüma kevilo.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

ISAIAH 5:21

Khunono alikhi aküghape alokütsü eno pano nhethe lo lotsü-loghü kepi cheni keno ahasapue!

JEREMIYA 37:9

Ikehu Ampeu no ishi piani, Nongu ampi pishiqhi ishi pi kevilo, “Chaldeami ye ni launo wuve nani,” kughengu panongu ye wumo nani.

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

MATTHEW 18:4

Khukhumu pa ampi kuchunipe itimi hipau toi shikeu no Kungugha yekipe lo kümtsü nguno akijeue.

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Luke 18:17

Mtsüqheino I no nongu vilo piani, khukhumu itimi lakhi toi Alhou yekipe ikhilumo keu ye kiu gholau nomu tile ilomla nani.”

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

1 Kor. 15:33

Nongu pishiqhivepe kevilo: “Aküsami lhoksa no ghushoghili kivi shipüsave cheni.”

1 Kor. 3:17

Khunono Alhou chineki kütsaveni keno Alhou no pa kütsave nani. Kughengu Alhou chineki ye akimthe eno nongu no tipau chineki ke.

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

Galatiami 6:3

Kughengu timi lakhino pa ye kiumu kumomu kiuala kepi kümsü aye, pa ye pa ampi pishiqhi anie.

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

James 1:22

Atsa chikulu likhi shive no nongu ampi pishiqhi kevi, ikemu atsa tho akümlami shilo.

James 1:26

Khuana no pa ye achineye lo amlokütsümie pi kümsü cheni mu pa mili ghasümo aye, pa ye pa ampi pishiqhi ani, eno pa chineye ye ame kühae.

1 John 1:8

Tsala nino ningu ye axine kühae pi aye, ni likhi ninguu pishiqhi auva eno ni lolo kuchou kühae.