1 Kor. 14:26 - Sumi Naga CL (Re-edited) Bible (BSI)

²⁶ Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

BAIBEL (BSI)

²⁶ Athikuzumiqo, tishiaye kishi kepu kya? Kughou nongu kuhoni keno khuu khunomu alekiphepu lakhi sughiluvi, kutsukepu lakhi sughiluvi, piyekusu lakhi sughiluvi, atsa kutau momu tipau pekidesukeu sughiluvi. Ikemu kumtsu akukuhou xaqhepuku kepu shimasake.

Sümi Tiqhelimi Bible

²⁶ Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

1 Kor. 14:26 ပူးပေါင်းရင်းမြစ်များ

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 12:7

hukuthu kümla shi aghi aye, huthu masa; khuu no shika cheni keno, shiküka gho peitha masa;

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

Rommi 15:2

Ningu pütüta kisüghümi shiqhe kumtoni ke pa kivipu shi tsüni.

1 Kor. 14:15

Ni ye kiu shini kea? Ni ye aghungu lono inikhuni, ikemu I kükümsü lo ghi inikhuni; ni ye I ghungu gholono akishe le pheni, ikemu I kükümsü gholo ghi akishe le phenie.

1 Kor. 14:2

Kughengu khuu no amilikithe lono piani keno pa ye timi pütsa anike kumono Alhou pütsa ani; kughengu khunomu pa vethalu amoe, ikemu pa ye Aghungu lono tuqhou jeliqo piani.

1 Kor. 14:27

Khuana no amilikithe lono pi aye, mikini momu akichiuno küthü no kivetsüghü pilo, eno milakhi no pekide tsülo.

1 Kor. 14:40

Ikemu thokha kümtsü kithikiyi eno agholau no shimasae.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 13:10

Hi ghenguno I no nongu launo putou akelono hipaqo yelu anike, tishianguno I no ighi kelo ni ye Ampeu no xaleqhive peniye kumono shiqhe puku peniye kükagha I tsükeu nongu lau mkamghai peithamo nani.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

Ephesiami 5:19

lakhino lakhi lau leshele, Alhou kishele, aghungulo le phepe ahupite kilelo, nongu mlo kuchopu tsüno Ampeu lau alejo phelo.

1 Thes. 5:11

Tighenguno nongu no shiake toi, lakhino lakhi shikumto eno shiqhe puku alo.