1 Kor. 14:16 - Sumi Naga CL (Re-edited) Bible (BSI)

¹⁶ Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

BAIBEL (BSI)

¹⁶ Kughengu nono angu-ghalo likhino Alhou shikimithi aye, kuho kuami inapughami lakhiye nono kiu pianikeno mthakeloye kishino “Amen” ipi nono shikimthi akeulo pikuqhaluni kya?

Sümi Tiqhelimi Bible

¹⁶ Tishimo aye nongu no Aghungu lono Alhou sheqhe akelo kuchou phu chekemiqo ye kíshi no nongu no shikimthi tsü akeu lo “Amen” ipilu nani kea, kughengu panongu ye nongu no kiu piani keno mtha ke?

1 Kor. 14:16 ပူးပေါင်းရင်းမြစ်များ

KUKAMI ATUGHIU 1:36

Tileno Jehoiada nu Benaiah no akükau khochile, “Amen! I mpeu akükau Lhou, Ampeu no tishitsü peniu!

YEKIKITHI ATUGHIU 16:36

Israel LhouAMPEU lau pülhapuju lono pülhapuju lo kümgha keu alo!” Tithiu timi kümtsü no, “Amen!” ipi no Ampeu sheqhe.

NEHEMIA 5:13

Ni ghi I phishe sükini ghi pi, “Khuu no ashoqhi hipau pemoni keno, pa ki eno pa kümla lono Alhou no hitoi pa kilhe phepe abokümsa shive peniu.” Hohomi kümtsü no “Amen” ipi eno Alhou sheqhe. Eno timiqo no panongu tsa shikupuve.

NEHEMIA 8:6

Ezra no Ampeu, akughushu Lhou sheqhe eno timi kümtsü no au peqheno khochile, “Amen, Amen.” Panongu no akütsü pishiqhope agi no ayeghi daluve no Ampeu mllae.

LESHELE 106:48

Israel Lhou Ampeu sheqhelo, Pülhapuju lono pülhapuju kutolo! Eno timiqo kümtsü pelo, “Amen!” ipi pelo. Ampeu sheqhelo!

LESHELE 41:13

Pülhapuju lono pülhapuju kutolo Ampeu Israel Lhou sheqhelo! Amen, Amen.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

LESHELE 89:52

Alholo Ampeu sheqhelo! Amen, Amen.

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

JEREMIYA 28:6

Tungkupu Jeremiah no pi, “Amen! Ampeu pelo tishi peniu, nono tungkuptsa pive keu kuchou shi aghi peniu, eno Babylon lono Ampeu kilo akhu ajukhu eno akughumi kümtsü a-a hipau lo sachile saghive peniu.

AKIKIHI 5:22

Angusü süghi chekeu zü hipau no o kive lo ilo no o puqho ngo o phimpi inguuve peni.’ Eno atotiu no khochileni, ‘Amen, Amen.’

MATTHEW 15:36

pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

John 21:25

Jisü no shikeu kütau ghi kutomo aphie. Ti kümtsü yepe qhini kelo, I no kümsüju kelo ayeghiqha kupuju mu ti yekeu kakuqo qhikhamla nani.

John 7:15

Ikehu Jewmi ye akichiqhive no pi, “Timi hipau ye phi-yemo keghi kishino akighithi ani kea?”

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

1 Kor. 14:14

Kughengu I no amilikithe lono inikhu aye, I ghungu ye inikhu ani ikemu I kükümsü ye avehupu shilu amoe.

1 Kor. 14:2

Kughengu khuu no amilikithe lono piani keno pa ye timi pütsa anike kumono Alhou pütsa ani; kughengu khunomu pa vethalu amoe, ikemu pa ye Aghungu lono tuqhou jeliqo piani.

1 Kor. 16:24

Khristo Jisü je lono Iw kikimiye nongu kümtsü lau apeniu. Amen.

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

Piyeküsü 7:12

pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”