1 Kor. 13:13 - Sumi Naga CL (Re-edited) Bible (BSI)

¹³ Tishiaye aküpülü, lajupu eno kikimiye hipano küthü ani; ikemu hipaqo gholo akiqheu ye kikimiye ke.

BAIBEL (BSI)

¹³ Tishiaye, hipano kuthu acheni: akupulu, lajupu eno kimiyekini; ikemu hipaqo gholo akiqheuye kimiyekini ke.

Sümi Tiqhelimi Bible

¹³ Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.

1 Kor. 13:13 ပူးပေါင်းရင်းမြစ်များ

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

LESHELE 42:11

O I ngulho, kushiye aghüthisü eno I lolo pütaqhi ani kea? Alhou lau pükhülo; kughengu ni ye itaghi Pa sheqhe nani, I xakuluu eno I Lhou.

LESHELE 43:5

O I ngulho, kushiye aghüthisü eno I lolo pütaqhi ani kea? Alhou lau pükhülo; kughengu ni ye itaghi Pa sheqhe nani, I xakuluu eno I Lhou.

Luke 10:27

Timi huno khochile, “O mlo kuchopu, o ngulho kuchopu, o kumto kümtsü, eno o kükümsü kümtsü pesü Ampeu o Lhou kimiye lo, eno o likhi o toi o kisüghüu kimiye lo.”

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

1 Kor. 14:1

Kikimiye phulo, eno amlo tsüqhiyi aghungulo gho lajulo, akhoto no tungkuptsa pinike amlo tsülo.

1 Kor. 16:14

Nongu no mlaitha keu kümtsü kikimiye lono shilo.

1 Kor. 3:14

Khuno kümla aboqha shou shipuku püakeu no pitipüha mlani keno pa ye asaxü ithulu nani.

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

2 Kor. 5:15

Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

FILIPIAMI 1:9

I no ishi inikhu cheni: nonguw kikimiye ye alaushi akighithi ngo kiviküsa kimchikulu gholono ikowolu peni;

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

Kolosiami 3:14

Hi kümtsü nguno alau kikimiye pepulo, kughengu kikimiye no thokha kupukülai tsügha küqhatsü cheni.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Thes. 5:8

Ikemu ningu ye tsüküvü laumi kehu, tsükhütsüvai shini, aküpülü eno kikimiye pesü amla küküzüpu shini, eno xakulupu lajupu no akütsükuqho shini.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

IBRIMI 10:35

Tighenguno nongu mlo kuloghi shilo, tino ajume kije süghi cheni.

IBRIMI 10:39

Ikemu ningu ye athiu idewove no pühaveni kemi kumo püzü aküpülü akemi eno Alhou no püxü keqoke.

IBRIMI 6:11

Eno nino kümsü pulo akeu ye nongu lakhikhi no ashekha kutolo mtsüqhei keu lajupu athoshi qhilu penishi ani,

IBRIMI 6:19

Ningu ye lajupu hipau angulhow thebei eno ithamo keu yiküba toi ani, lajupu hi no nhaqhiphi thiu alou chebo lo ilocheni,

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 John 2:10

Khunono pa thiküzümi kimiye cheni keno pa ye aküvü lo acheni eno pa lau ye küpxalu kepu kühae.

1 John 2:14

Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu ye mtotoi ani, Alhou tsa no nongu lolo ani eno nongu no alhoksau theqhilu ke.

1 John 2:24

Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

1 John 3:9

Alhou nuli shiluve kemi khunomu axine kümla shiuve chemoe; kughengu Alhou lhoaye ye pa lolo ani, eno pa ye Alhou nuli shiluve akehu axine shiauve mlae.