1 Kor. 12:9 - Sumi Naga CL (Re-edited) Bible (BSI)

⁹ Aghungu tipau no kütami lakhiu lau aküpülü tsü püani, lakhiu lau shikipivi gho tsü püani.

BAIBEL (BSI)

⁹ Aghungu tipauno kutami lakhiye akupulu tsu cheni, kutami lakhiuye shikipivi gho tsu cheni.

Sümi Tiqhelimi Bible

⁹ eno Aghungu tipau hu no lakhi lau aküpülü ghò tsü cheni, kütami lau Aghungu tipau vechewo shikipivi ghò tsü cheni,

1 Kor. 12:9 ပူးပေါင်းရင်းမြစ်များ

MATTHEW 10:8

Küsükinimi shipivi lo, kithimi xüputhu lo, apüghami shikimthe lo, tüghami haphelo. Ame tsümono nongu no ithulu kehu ame lumono tsülo.

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

Mark 16:18

panongu no au lono tüghükupu pighi ikhiqhelu momu akithipu tüghü yelu namu panongu shipüsamla nani; panongu no küsükinimi shou au bekelo tipaqo no viluve nani.”

Mark 6:13

Panoqo no tüghami kutomo haphe eno timi khunono küsükini shi akeno thazü pesü nu püzü shipivi tsü.

Luke 10:9

Küsükinimi aghi keqo shipivi lo, eno panoqo vilo, ‘Alhou yekipe ye nongu kupunu ighivae,’ ipilo.

Luke 9:2

eno Alhou yekipe sheshu eno küsükini shipivi penike panoqo puwu.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 5:15

Ikelo timiqo no küsükinimi ghi alaghila lo khape ighi no azüa ngo ayephu lo püzü, tishianguno Peter no ighi kelo pa yekükhü likhimu khami shou ikughilu peniye ke.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

1 Kor. 12:30

Kümtsü no shikipivi gho ani keshea? Kümtsü no amili jeli lono picheni keshea? Kümtsü no pikide tsülu cheni keshea?

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

2 Kor. 4:13

Kuchoyesü lo “I no pülülu; tighenguno I no pivae,” ipi püani kehu ningu ghi aküpülü ghungu aphiphi akeu kiqi lono pülülu no pi anike,

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,