1 Kor. 10:17 - Sumi Naga CL (Re-edited) Bible (BSI)

¹⁷ Asho no lakhi ketoi, ningu ye kutomo kemu aphimpi lakhie, kughengu ningu kümtsü asho lakhi lono küsaje ke.

BAIBEL (BSI)

¹⁷ Kughengu ashono lakhi kehutoi, ningu kutomo kemu aphimpi lakhi ke, kughengu ningu kumtsu asho lakhi kusajeke.

Sümi Tiqhelimi Bible

¹⁷ Kughengu ningu ye kutomo shi aghí namu ashopa lakhi lono ningu kümtsü kijechu cheni, eno tiye ningu kümtsü aphimpi lakhi ke.

1 Kor. 10:17 ပူးပေါင်းရင်းမြစ်များ

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

1 Kor. 10:21

Nongu ye Ampeu jukhu lo sho püzü tüghami jukhu lo ghi shomlae. Nongu ye Ampeu ghulhu lüpa lo chuno tüghami ghulhu lüpa lo ghi chumlae.

1 Kor. 12:12

Aphimpi lakhi lo aphiau jeli kutomo aketoi eno aphiau jeli kutomo no aphimpi lakhi lo aketoi, Khristo gholo ghi titoi ke.

1 Kor. 12:27

Tishiaye, nongu ye Khristo phimpi ke, eno milakhi khino tipau lo kihimpemi ke.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.