1 John 4:15 - Sumi Naga CL (Re-edited) Bible (BSI)

¹⁵ Khukhumu Jisü ye Alhou Nu kepi piphetsü keu ye Alhou lau kimepe ani eno Alhou no pa lolo ani.

BAIBEL (BSI)

¹⁵ Khuno Jisu ye Alhou Nu kepi piphetsu nikeno paye Alhou sasu xukimepe ani.

Sümi Tiqhelimi Bible

¹⁵ Tsalá khukhumu Jisü ye Alhou Nu kepi ikhilu aye, Alhou no panongu lolo xü cheni eno panongu no Alhou lolo xü acheni.

1 John 4:15 ပူးပေါင်းရင်းမြစ်များ

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

Luke 12:8

“I no nongu vilo piani, khukhumu aqha zülono I je piphetsü keu ye Timi Nu ghi titoi Alhouw kungumi zülono piphetsü nani.

John 6:56

Khunono I shi chuni eno I ji shoni keno I gholo xüküqhape ani eno I no pa gholo xüküqhape ani.

Apostolmi 8:37

Philip no pi, “O mlo kuchopu no pülü aghi aye, no ye tishilu nani.” Pa no khochile, “Jisü Khristo ye Alhou Nu kepi I no pülü ani.”

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

1 John 2:23

Khunomu Anu milive no Apu ikhilu mlae. Khuu no Anu ikhilu ani keno Apu ghi ikhilu ani.

1 John 2:24

Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

1 John 3:23

Pa zakütsü ye hike: ningu ye Pa Nu Jisü Khristo jelo pülübe eno Pa no aza ningu tsüve ketoi lakhino lakhi kimiye kile masae

1 John 3:24

Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

1 John 4:12

Timi khunomu Alhou ithulu mphi; ikemu ningu no lakhino lakhi kimiye kile aye, Alhou ye ningu lolo ani eno Paw kikimiye no ni lolo kupukülailu ani.

1 John 4:2

Alhou Ghungu ye nongu no hipau lono michilu nani: Alhou launo ighikeu Ghungu huno Jisü Khristo ye ashi phimpi xapusü Alhou launo ighie pi shuphe nani,

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.