1 John 2:28 - Sumi Naga CL (Re-edited) Bible (BSI)

²⁸ Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

BAIBEL (BSI)

²⁸ Iye itianuliqo, pa gholo xukimepe achelo tishianguno kughou pano ipeghini keno ningu mlo kuloghipu shilupenike eno pano ighike Tsalalo ninguye kujo kelauno itshuwuvemo nani.

Sümi Tiqhelimi Bible

²⁸ Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

1 John 2:28 ပူးပေါင်းရင်းမြစ်များ

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

Luke 17:30

Ikehu Timi Nu pepheni keu tsala lo ghi titoi nani.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

1 Thes. 2:19

Ni Mpeu Jisü ikighi lo Pa zülo niw lajupu, ni lokivi, ni jekipipu kiu ani kea? Ti ye nongu ke kumo?

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 Tim. 6:14

ni Mpeu Jisü Khristo ipeghi ke tsala kutolo, ayezah tukutiye shimono eno nguku kepu qhimono papelo.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

1 John 3:21

Kimiye chekemiqo, tsala ni mlo no akipimi ningu tsümo aye, ningu ye Alhou zülo amlo kuloghipu ani;

1 John 4:17

Hipa ghola lono kikimiye ye ningu lolo kupukülailu cheni, tishianguno ningu ye küghakütha tsala ghenguno amlo kuloghi shilu nani, kughengu ayeghiqha zülo ningu ye Khristo kimihi shilu masae.

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.