ZEKHARIA 9:9 - BAIBEL (BSI)

⁹ Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

Sumi Naga CL (Re-edited) Bible (BSI)

⁹ Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

ZEKHARIA 9:9 ပူးပေါင်းရင်းမြစ်များ

KUKAMI ATUGHIU 1:38

Tighenguno Zadok, Nathan, Benaia eno Kherethi ngo Pelethi ishino wupuzu akukau David wu khurshi shou Solomon kughuqano Gihon zupuki kutolo pa sasu wu.

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 45:1

Akukau ghenguno ino ale hipau iqikelo atsato jukighilepuno ikukumsu chhie. Akiye kivimi lakhi ulo akiyepu ake toi imliye alejo kutope ani.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 30:6

Hiye apeu asayeqhalo tughashi akeqo ghenguno Alhou sutsake: “Lashikamino akumsapu ghakhu kathawu eno khilehi abongushu acheni, khileno tughukupu pighi ngo yewukeu Dragon acheni keno tipa-alo wucheni. Panongu kuphumlakeu shiayeh lau agho tsunike ghenguno panonguno amekusho nhemgha pesu gadaha ngo kemel xapipe cheni.

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 40:9

O Jerusalem, naghuto kiqhelo ikulo eno lokivi sutsa pesu asheshulo! O Zion, asutsa kuloghi lono igha mukulo; atsakiviu pesu asheshulo! Piwolo eno musaichi kevilo. Juda lo taunqo vilo panongu Lhou chenike julo pilo!

ISAIAH 43:11

‘Ni ilikhino AMPEU ke, nongu xalunikeuye ilikhike.

ISAIAH 43:3

Kughengu niye AMPEU oLhou ke, Israil Lhou akimtheu, oxakuluu huke. Niye okhaqhiphe nike Ijip pheve nani; Niye Sudan ngo Seba pheve nani.

ISAIAH 45:21

Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

ISAIAH 52:7

Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 62:11

AMPEU no ayeghiqha kumtsulo asheshu puwu akeu ithiwo nani: “Jerusalem lo akemi vilo pilo, AMPEU ye oxalunike cheni, pano xapheluve kemiqo sasu wocheni.”

JEREMIYA 30:9

Tishinike zuqhulo, panonguno ni, AMPEU panoqo Lhou qe nani eno David laghami lakhi pesu akukau shipe nike ino kughuqa nani.”

EZEKEL 21:32

Nonguye ami lono kutsapinyive nani. Nolikhi noyeghilo nongu jih pele nani eno khunomu nongu kumsu chile mlave nanike.’ ” AMPEU no pivae.

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

MICAH 4:8

No, Jerusalem khilehi Alhou no bherikheu lakhi toi pawu timiqo jukhe acheni keno noye itaghi akukaqha, ti owu kehu tipau phughitou shive nani.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

ZEKHARIA 2:10

AMPEU no pi, “Alokivishi ale phelo, Jerusalem lo akemiqo! Niye nongu gholo xunike chenie!”

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

MATTHEW 11:29

Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

MATTHEW 2:2

“Judami kukau shipeniye anu punukeu hu khile ani kya? Ninguno kipelauno pa yepu ipeghikeu ithuluvae, eno ninguye pa mlla niye ighi ani.”

Mark 11:7

Pamano Jisu lau gadahati hu saghi, eno panongu ku-uphi tipau shou xape be eno Jisu no tipau shou iqa.

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 19:15

Panonguno igha kithe pi, “Pa pithivelo! Kros lo pa yedavelo!” Pilat no panongu vilo iniju, “Niye nongu kukau yedavelo pikesha?” Achinetomino khochile, “Ningu kukauye Kaisar likhi ke!”

XAKUTHAMI 10:4

Paye anu shighi gadaha shighi shouno iqho iqi keu acheke. Panonguye Gilead yeghilo aphughi shighi lo xu ache eno itehi kutolo aphu tipau je Jair ku chephie.