ZEKHARIA 9:8 - BAIBEL (BSI)

⁸ Ino iyeghi khepe ngo nani eno ghushimi pelo tipaulo iqho iqi pemo nani. Niye ayehpe kumthami pelo itaghi iwu timi qoda pemo nani. Iwu timiqo kishi aghime shive keno ino ithulukhavae.”

Sumi Naga CL (Re-edited) Bible (BSI)

⁸ Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

ZEKHARIA 9:8 ပူးပေါင်းရင်းမြစ်များ

SAMUEL AKINIU 16:12

Kumsujukelo AMPEU no ighime ithitsu nani eno pano ghusho keu thelilo kukumgha itsu nani mthae.”

KUKAMI AKINIU 19:34

Ino iqeu David lau tushoqhipe puakeu toi aphughi hipau susho eno pukha phelu nani.’ ”

KUKAMI AKINIU 23:29

Kughou Josia no akukau shi akeno tipa ghuloki lono Ijipmi kukau Neko no ghushimi sasu Eufrati kutolo Asiriya lo kukau kuphu tsunike ghenguno le iloghi. Akukau Josia no Megido lono Ijipmi ghushimi lakha chilelu eno paye ghushiqa lono pa pithive.

KUKAMI AKINIU 24:1

Jehoiakim no akukau shi akelono Babilon lo akukau Nebukadnezar no Juda le ighi eno ampe kuthu kutolo Jehoiakim ye pa yehza qholo ngokepu shive; tipathiu pa ghi mujochilethu.

LESHELE 34:7

AMPEU wu kungumino pa gholu chekemi khe acheni eno akui ghupu launo panoqo xaphelu cheni.

LESHELE 72:4

Akukauye kumlhomiqo shou aghibiu lono kughathabelu pelo; aquaghami kuphulupe eno nedaqoda chekemi halevepelo.

IPEKULU 3:7

Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani,

IPEKULU 3:9

Niye kuchono iwu timiqo ghugha chiluvae eno Ijipmino kishi panoqo shikighimeqhi acheni keno ithuluvae.

AHOLE 3:25

Noye zulileno aghesuqhi ighi kelo amlo kusapu kuha nani eno pasapaghano kixikilami shou ikughi chekeu paphi shimo nani.

ISAIAH 26:1

Tipa tsalalo Juda ghakhulo Timiqono ale hipau phe nani: Niphughiye mutotoike! Alhou ampino tipau putu puakeu sushoke!

ISAIAH 31:5

Aghau lakhino liti sushoni kehu lipusu yemxa kehutoi, ni Aqokitikhi MPEU no Jerusalem susho nani eno tipau shokhalu nani.”

ISAIAH 4:5

Tileno Zion Naghuto shou eno tinguno alau khijehi kumqope aghini keno tipaqo shou AMPEU no puchouno khungkusu lakhi puwu eno putholoye amichhi ngo vuqaikeu mi mili lakhi ishi puwutsu nani. Alhou wu akimthe jukuvuno aphughi kumtsu nhape susholuve nani.

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ISAIAH 52:12

Ishiuloye nonguye mighimghai chevekepu shimo nanike; nonguye pove niaye pukaputsakeu shimo nanike. AMPEU nongu Lhou no nongu sakipheu shinani eno hula hila kumtsu nongu shopesu wu nanike.

ISAIAH 54:14

Kuchou xakutha ngo achipiu pesu nongu mutotoi shitsu nani. Shikumsakeu, qodaqhikeu lono nongu xaluve nani.

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

JEREMIYA 46:13

Kughou Babilon kukau Nebukadnezar no Ijip lenike ighi keno AMPEU tsa ilau ighi. Pano pike,

JEREMIYA 46:2

Ijip ghenguno, Ijip kukau Neko ghushimi ghili pano hipau pike, tipaqoye Babilon kukau Nebukadnezar no Karkhemish a lono leluveke, tiye Eufrati ghoki kupunu lono ke eno tiye Jehoiakim no Juda lo akukau shikeu ampe abidiu shi ake lono ke.

EZEKEL 39:29

Ino Israil lo akemiqo shou ighungu lepuku nani eno niye khilemu panoqo launo itaghi tsughusu wuvemo nanike. Ni, Akughushu MPEU no pivae.”

AMUS 9:15

Ino ayeghi iwu timiqo tsukeulo panoqo shosu nani, eno panonguye itaghi nhuvemo nani.” AMPEU nongu Lhou no piqhivae.

ZEKHARIA 12:4

Tipa tsalalo, ino panoqo wu khurshi shikichi nani eno tipaqo shou ikuno chekemiqoye izuphokicheive nani. Ino Juda lo akemi shou kheluve nani ikemu aghumiqo wu khurshi nhethi kighicheve tsu nani.

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ZEKHARIA 14:11

Timi qoye akupuna kuhaveno tilehi ngolu nani, shikupsa no panoqo shikichiqhimono ngoluve nani.

ZEKHARIA 9:7

Hinguno hilau panonguye aji pususu keu shi chumo nani momu lakha puakeu chuqupu chumo nani. Panongu gholono puxu puaghikemi kumtsu iwu timi gholo aqo shive nani eno Juda shiayeh gholo alagha lakhi toive nani. Jebusimi toi Ekron ghi iwu timi gholo lakhi shive nani.

Apostolmi 7:34

Iwu timi Ijip lo akeqo kishi ghimeqhi ani keno ino tsaqui ithuluva, eno panonguno igha kukuno akeu chiluva, eno panoqo xaphe nike niye iqighi ani. Ike noye kutolo, eno ino Ijip lo opuwu nike.’

Piyeküsü 20:9

Panonguno ayeghi nhakhaluve eno Akimthemiqono achekeu eno pano kimiyechekeu phughi hu suhuluve. Ikemu kungugha lono ami iqighino panoqo pitiqhive.