ZEKHARIA 8:9 - BAIBEL (BSI)

⁹ “Nongu mlo kumto shilo! Kughengu iAchine ki shikitheniye aboqha qha ake ghulokilo tungkupmino pikeu tsa itehi ghi nonguno tipa tsatho chilu anike.

Sumi Naga CL (Re-edited) Bible (BSI)

⁹ Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

ZEKHARIA 8:9 ပူးပေါင်းရင်းမြစ်များ

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

YEKIKITHI AKINIU 15:7

Ikemu nonguye akumto shilulo eno aghuthisu kevilo. Nonguno kiu kumla shini keno tiye asaxu tsunani ke.”

EZRA 6:14

Tithiuno Judami sakiphemino pano kumla mlakibe luve eno panonguno tungkupu Hagai ngo Ido nu Zakharia no pikeu huno panongu mlo shikuloghive. Achineki ye Alhou no ahza kutsu toi eno Persia lo kukami Cyrus ngo Darus eno Ahaserus noqono ayezah puwukeu toi shiqhiluve.

ISAIAH 35:3

Au qeyivekeqo shikumtolo eno miqemileikeu lono akhonhe kho khoive keqo shikumto tsulo.

ISAIAH 35:4

Aghuthi suvekemi lakhikhi vilo pilo, “Akumto shilo eno musa kevilo! Alhou no nongu xaphelunike cheni, noghumiqo ghimeqhinike cheni.”

HAGAYI 1:1

Darus no Persia lo akukatou shikeu ampe akiniulo aqhi akutsughou atsala atughiulo AMPEU no tungkupu Hagayi vechewo atsape tsuke. Tiye Juda lo ahng shiakeu Shealti-el nu Zerubabel ngo Jehozadok nu Achinetou Joshua pama lau pipuwuke.

HAGAYI 1:12

Tileno Zerubabel ngo Joshua eno Babilon lo puxu puaghikemi khunoqo ideighi keno tipaqo kumtsuno AMPEU no panoqo vilo kiu shilopi keno tipau shike. Panonguye musave eno AMPEU tsapeu tungkupu Hagayi ghokulu shike.

HAGAYI 2:18

Ishi tsalaye Achineki boqha shikhaluve keu hi aqhi atokuu eno atsala muku abidiu tsalanike. Hinguno hilau kiu shi nani keno jualo.

HAGAYI 2:21

tiye Juda lo ahng Zerubabel ghenguno tsuke. “Niye atsutsu ngo ayeghi sukini nicheni

ZEKHARIA 8:13

Juda ngo Israil lo akemiqo! Wovekeu tsalalo inaghamino lakhino lakhi ghusho keulo, ‘Juda ngo Israil kuma shou kutsakungo keu ikughikeu tho oshou ikughi peniu!’ ipi picheke. Ikemu ino nongu xalu nani eno tileno inaghami hupaqoye lakhino lakhi vilo, ‘Juda ngo Israil kuma shou kukumgha ighike tho opelo ithulu peniu!’ ipi pinani. Tighenguno amlo kumtoshilo eno msa ichi kevilo.”

ZEKHARIA 8:18

Aqokitikhi MPEU no Zekharia vilo hipau tsape tsuke:

Ephesiami 6:10

Ashekhashi hi ithilo. Ampeu gholo xukimepekeu lono eno pa kuka kumtono nonguye mutotoi alo.

2 Tim. 2:1

Tishiaye, inu, Khristo Jisu gholo xukimepe akeu kukupu vechewo mutotoi shilo.

JOSHUA 1:6

Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.

JOSHUA 1:8

Okighinilo alhokuthu ayezah kakuhu philo. Putho pucho philo eno tile yepuakeu kuchopu thebei pelulo. Tishikeuno okuxulo kinikulu eno tokulu shi nani.