ZEKHARIA 8:8 - BAIBEL (BSI)

⁸ Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

Sumi Naga CL (Re-edited) Bible (BSI)

⁸ eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

ZEKHARIA 8:8 ပူးပေါင်းရင်းမြစ်များ

BOTHUBO 17:8

Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

JEREMIYA 11:4

Tiye ino panoqo puasu sasu puloshoqhi shi keu tsake; panoqo puasu ghenguno amiphokilo ami iqu akeu toikeu yeghi Ijip lono ino panoqo sasu ipeghi kelono puloshoqhi shipuakeu huke. Ino panoqo vilo igholu eno ino ahza tsukeu kumtsu shilo pike. Ino pikeuno panonguno aghokulu shiaye iwu timi shi nani eno ino panoqo Lhou shinikeu pike.

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 24:7

Panoqo pelo niye AMPEU kepi ithipeni shikeu ape nani. Tileno panonguye iwu timi shive nani eno ino panoqo Lhou shive nani kughengu panonguno amlo kuchopu tsupuzu ilau ideighi nani.

JEREMIYA 30:22

Panonguye iwu timi shive nani eno ino panoqo Lhou shive nani. Ni, AMPEU no piqhive ake.”

JEREMIYA 31:1

AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:41

Niye panoqo ghenguno akivipu shikeulo izukuvupu shi nani eno hipau yeghilo panoqo pelo ithamono ngolupe nanike.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.

EZEKEL 36:28

Tithiu nonguye ino nopuasu tsupua keu yeghilo xulu nani. Nonguye iwu timi shi nani eno ino nongu Lhou shive nani.

EZEKEL 36:33

Akughushu MPEU no piani, “Nongu xine launo ino nongu shikimtheve kethiuno, ino nongu pelo ixapinyivekeqo shipuku kithelupe nani.

EZEKEL 37:25

Ino iqeu Jakob tsukeu yeghi shou panonguno kughuna nani, tiye panoqo puasuno achekeu yeghike. Panonguno alhokupujulo tilehi kughuna nani, pano tianuli eno atikughukomi kumtsu titoi shi nani. Akukau lakhi iqeu David toikeuno alhokupujulo panoqo shou ayehpe nani.

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

HOSIYA 11:11

Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

JOYIL 3:20

Ikemu Juda ngo Jerusalem ye alhokupujulo timi kughuna cheuve nani.

ACHINE 26:12

Ino nongu gholo anani, niye nongu Lhou shi nanike eno nonguye iwu timi shi nanike.

ZEKHARIA 10:10

Ijip ngo Asiriya lono ino panongu phuyinalo saghi nani eno pano ghakhulo panoqo pelo ngolupe nani. Gilead ngo Libanon loghi ino panoqo pelo ngope nani; aghakhu kumtsulo timino chhitoive nani.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

Piyeküsü 21:3

Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.