ZEKHARIA 8:2 - BAIBEL (BSI)

² “Niye Jerusalem kuphunishi kutu acheni kughengu tilehi akemiqo lau ikikimiye thonheyikeu anike, tipau kikimiye huno ipelo li ghumiqo shou aloghu ide cheni peke.”

Sumi Naga CL (Re-edited) Bible (BSI)

² “Aqokitikhi Mpeu no piani: Ni ye Zion ghenguno shishe anheshu ani, Ni ye aloghu kije lono li ghenguno aghichipo ani.

ZEKHARIA 8:2 ပူးပေါင်းရင်းမြစ်များ

YEKIKITHI ATUGHIU 12:19

Kughou Akukau Saul no Filistiyami sasu aghushi akeno Manasse laghalo ghushimi khamiye David gholo ighiluve. Kuchou loye paye Filistiyami kuphumoe, panongu kukami qono kumsu keuno pa mpiu Saul no panongu pishiqhi venikeu msa ae, tighenguno panonguno Ziklag lo pa puwove.

ISAIAH 59:17

Pano aghunanu phimini pepu akeshi kuchou xakutha pepu eno tokulu pesu ayikutsuqho toi pepu nani. Thime achipishi apenike eno timi akumou lono aghime shichekeu amkhu lutsuni eno shikighime nike pano muqhumuzaike.

ISAIAH 63:15

AMPEU, kungugha khile akimthe eno ojukuvulo nono achenikeno tilano nishou jupukutsulo. Nighenguno nono shishe alokumsu shikeu khile ani kya? Okukaye khile ani kya? Okikimiye eno omlo ighiqhiyikeu khile ani kya? Nijupichi kevilo!

JOYIL 2:18

Tileno AMPEU no pa yeghi ghenguno kumsujutsu; eno pawu timiqo jupe amlo ighiqhive.

NAHUM 1:2

AMPEU ye aghichikupo Lhou ke; pano pa mujochile kemiqo ghime cheni. Pa loghu kighide lono pano tsuchile cheni.

NAHUM 1:6

Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

ZEKHARIA 8:1

Aqokitikhi MPEU no Zekharia vilo atsape hipau tsuke: