ZEKHARIA 7:9 - BAIBEL (BSI)

⁹ “Ado kushuwo lono ino ahza kutsu hipaqo iwu timi tsuke: ‘Nonguye lakhino lakhi athikuzumi lau kuchou xakutha, kupukilekeu eno kimiye qhiyi keu shimayesake.

Sumi Naga CL (Re-edited) Bible (BSI)

⁹ “Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

ZEKHARIA 7:9 ပူးပေါင်းရင်းမြစ်များ

SAMUEL AKINIU 9:7

David no pi, “Noye msa kevilo opu Jonathan ghenguno niye olau kikimiye piyenanike. Ino osu Saul yeghi thaqhuye otsu chileve nani eno noye alhokuthu igholo kumtsa aghulhu lupa lo ngolu nani.”

JOB 31:20

Pano isheqhe mula kepu shi aghi aye, eno iwu bheri mhino shikeu phiminino pa lupulumlave no aghi aye;

JOB 6:14

Alhou no qhive aghi namu, akuxu iju akemi lau ashounoqo no kupukeu pephetsu kepue.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

JEREMIYA 7:5

“Nono xuchekeu laghi kilivelo eno nonguno shichekeu thimeqo shikevilo. Nongu lakhino lakhi lau achipi lono peithakilelo.

EZEKEL 18:8

akighishe luchemo momu alau luvetsu chemo, alhoksa jelilo chhosumo eno timi dolo kuchou xakutha peitha cheni keno

EZEKEL 45:9

Akughushu MPEU no pike, “Nongu Israil shou ayehkipemiqo, nonguye shulo axine shivae! Nonguno heqhi buqhi eno qhasuchekeu tavelo. Achipiu eno kuchou shilo. Nonguye itaghi iwu timiqo pano yeghi lono khilemu hapheve kevilo. Ni, Akughushu MPEU no nongu vilo hipau pianike.

HOSIYA 12:7

AMPEU no pi, “Israil lo akemiqoye Kananmiqo toi kuchou kuhamithe; panonguno ahhu kichile pesu pano nhemgha qhunikemi pishiqhi cheni.

ACHINE 19:15

“Atsakugha kepulo kughono xakutha tsunikeno amikucho eno achipiu shilo; kumlhomi lau xadakevilo momu kinimi musave kevilo.

AMUS 5:24

Tishinike zuqhulo kuchou xakutha shikeuno aghoki toi qowu pelo eno achipiu shikeuno aghoki qoitamo keu toi shipelo.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

ZEKHARIA 7:7

Kughou Jerusalem ye kinikulushi eno timi kumzapushi akelono eno tipau sukumxa taun lo likhi kumo puzu apeu qhalo eno kulolau naghuto kumxalo ghi timi kumzapu ake ghuloki lono AMPEU no azuumi tungkupmi vechewo hipau pikeuke.

ZEKHARIA 7:8

AMPEU no atsape hipau Zekharia tsuke:

MATTHEW 23:23

“Nongu Ayezah kukutsumi ngo Farisimi ghenguno ahakusapue! kuhakughaqo! Nonguno pulakhu, napa eno thuvu yetsuni kutolo chighi sajelo lakhi Alhou tsucheni, ikemu nonguno Ayezah akhoto qo: achipiu kukutsu, kikimiye eno amikucho kumla shinike kughuchove cheni. Kutauqo ghi kughuchove kepu kumo kemu nonguye hipaqo pepimhe kepuke.

Luke 11:42

“Ikemu nongu Farisimi ghenguno ahae! Nonguno ayetsuni jeli kumtsu pesu chighi sajelo lakhi Alhou lau akumllagho tsu cheni, ikemu Alhou zulo achipiu eno kikimiye kughuchove acheni. Kutau ghi shiepinamu nonguno amikucho eno kikimiye pepimhe akepue.

John 7:24

Agi juno kughatha kevilo, ikemu achipiu kughakutha pesu xathalo.”

John 7:51

“Niyezah kiqiloye timi pa ampi launo chilumphi eno pano kiu shi puani keno phujumphi loye pa shou kughatha mlae.”

ZAKINIU 22:1

“Akusami Israilmi mishi momu bheri lakhi akighi ijoveno pocheghi keu nono ithulu kelo, tipau palokutove kevilo; pa lau tipau saideghive tsulo.