ZEKHARIA 7:6 - BAIBEL (BSI)

⁶ Kughou panonguno kuchu kusho shini keno tiye panoqo ghakiqipu ghenguno shicheke.”

Sumi Naga CL (Re-edited) Bible (BSI)

⁶ Eno kughou nongu no chusho keno ti ye nongu ampi ghenguno chusho ake kumo keshea?

ZEKHARIA 7:6 ပူးပေါင်းရင်းမြစ်များ

YEKIKITHI ATUGHIU 29:22

Ike tipa tsala kupuju panonguye ighono alokivishi AMPEU zulono chu shoe. Tipashelo ghuthu akiniu panonguno Solomon no akukau kepi vekupha. AMPEU jelono panonguno teli pe pa nuhkishe no panongu shou ayehkipeu shi eno Zadok pelo achineu shipe.

ISAIAH 43:23

Nonguye ilau bheri pitipe mllakeu sughimoe; Nonguye aghashikeu pesu igihuke kumoe. Niye agho tsulopi khukeuno nongu ghimeqhi puamoe momu piti kumnakeu nongu vilo khukeuno nongu ngaqhi puamoe.

ISAIAH 58:3

Timiqono iniju, “AMPEU no khilemu nijuthulu chemo aye kushiye kumvu ani kya? Pano nilau amlo tsumo aye ninguye kushiye achuqupu chumono ani kya?” AMPEU no panoqo vilo pi, “Julepi, nonguye kumvu kemtsa nonguye nonguno shinishikeu puzusu wuvecheni eno nokumla kishimi qodaqhi chenike.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 9:4

Inaghami yeghilo panonguye atsayiji pesu AMPEU lau akumllagho tsulukepu shimo nani momu lhoxu heqhipe pa lau sughi mla nani. Khunoqono panoqo chuqupu chuni keno kumtsu kitiqeve nani, tiye akumo shiqhokelo chuqupu toi nani. Tiye panongu khuava ghapiqini keulo likhi peitha nani; tipaqo gholo lakhimu AMPEU chinekilo akumllagho shi puwulumo nani.

ZEKHARIA 7:5

Pano pi, “Aghakhu hipaulo akemiqo vilo eno achinemiqo vilo pilo ike panonguno hi ampe lhotsuni dolo aqhi apunguu eno aqhi akutsuniu lo kumvu chekeu eno mlo qachekeu huye igihukeu lono kumoe.

ZEKHARIA 7:7

Kughou Jerusalem ye kinikulushi eno timi kumzapushi akelono eno tipau sukumxa taun lo likhi kumo puzu apeu qhalo eno kulolau naghuto kumxalo ghi timi kumzapu ake ghuloki lono AMPEU no azuumi tungkupmi vechewo hipau pikeuke.

1 Kor. 10:31

Tighenguno, nonguno chuna, shona momu kiu kiu shiepinamu kumtsulo Alhou jukuvupu ghenguno shilo.

ZAKINIU 12:7

Tilau AMPEU Alhou no nongu kumghatsu keu gizulo no kibolomi sasu mlalukeu thime kiviqo chuno aghakiqi shilo.

ZAKINIU 14:26

Nonguno kiu lono tipau pisa puwoni keno shilo—amshishi, bheriti shi, atsayiji momu aji lono puwolo, eno tilau AMPEU nongu Lhou gizu lono nonguno nokibolomi sasu kuchu kusho shi alokivi shilo.

Kolosiami 3:17

Tishiaye atsa lona akumlalo namu nonguno kiukiu shini keno, Ampeu Jisu vechewo Apu Alhou shikimthi ghi thwokha shilo.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”