ZEKHARIA 7:5 - BAIBEL (BSI)

⁵ Pano pi, “Aghakhu hipaulo akemiqo vilo eno achinemiqo vilo pilo ike panonguno hi ampe lhotsuni dolo aqhi apunguu eno aqhi akutsuniu lo kumvu chekeu eno mlo qachekeu huye igihukeu lono kumoe.

Sumi Naga CL (Re-edited) Bible (BSI)

⁵ “Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

ZEKHARIA 7:5 ပူးပေါင်းရင်းမြစ်များ

KUKAMI AKINIU 25:23

Kughou Judia lo kuami kijemi ngo ghushimi khunoqo aghumi zulo phesumo keno panonguno hipau ghili chiluno Mizpa lono Gedaliya gholo kuqhaluve. Kijemi tipaqoye Nethaniya nu Ishmael, Kariya nu Johanan, Tanhumet nu Seraiya hipaqo kumtsu Netofa taun eno Maaka lo akeu Jezaniya lono ighikeqoke.

KUKAMI AKINIU 25:25

Ikemu tipa mpelo aqhi akutsuniu lono Nethaniya nu Ishmael eno Elishama tilimi, kije lagha lono ighikeu kibolomi huno pa gholo timi chighi sasu Gedaliya le ighino pa pithive. Pano Israilmi ghi eno Babilonmi Gedaliya gholo ngo aghikeqo ghi heqhivetsu.

ISAIAH 43:23

Nonguye ilau bheri pitipe mllakeu sughimoe; Nonguye aghashikeu pesu igihuke kumoe. Niye agho tsulopi khukeuno nongu ghimeqhi puamoe momu piti kumnakeu nongu vilo khukeuno nongu ngaqhi puamoe.

ISAIAH 58:3

Timiqono iniju, “AMPEU no khilemu nijuthulu chemo aye kushiye kumvu ani kya? Pano nilau amlo tsumo aye ninguye kushiye achuqupu chumono ani kya?” AMPEU no panoqo vilo pi, “Julepi, nonguye kumvu kemtsa nonguye nonguno shinishikeu puzusu wuvecheni eno nokumla kishimi qodaqhi chenike.

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 29:10

“AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

JEREMIYA 52:12

Babilon lo Nebukadnezar no kakeu ampe chighi atokuu, aqhi apunguu eno atsala achighiu shiakelo Akukau mijekutsuu eno aghushimi shou zahtsuu shiakeu Nebuzaradan no Jerusalem lo iloluve.

DANIEL 9:2

Pa kuka mipe atughiulo ino akimthe kakulo Jerusalem ye ampe lhotsuni ixaveno akeu AMPEU no Jeremiya tungkupu vilo pikeu phukidejua.

HOSIYA 7:14

Panonguye amlo tsuqhiyi ivilo khuinimoe ikemu Alhou mlla chemo kemi toi iluqino huhushi igha cheni. Panonguno athi ngo atsayi ji ghenguno inikhu aye Alhou mllachemo kemi toi pano likhi pano hethapinyi cheni; panonguye isasu kumjo acheni!

ZEKHARIA 1:12

Tileno kungumino pi, “Aqokitikhi MPEU, noye Jerusalem ngo Juda lo aphughiqo shou aloghu idekeu hi ampe lhotsuni shivae. Noye panoqo lau kimiye qhiyinikeu ado khitotohi luani aphi kya?”

ZEKHARIA 7:3

achinemi ngo tungkupmi vilo hipau vehu iniju peniyeke: “Achineki kutsalevekeu ghenguno ninguno ampe kushuwa kutolo aqhi apunguulo kumvu chekeu toi ninguye tishi mloqa achekepu keo mokya?”

ZEKHARIA 7:4

AMPEU sutsa hipau ilau ighike.

ZEKHARIA 7:6

Kughou panonguno kuchu kusho shini keno tiye panoqo ghakiqipu ghenguno shicheke.”

ZEKHARIA 8:19

“Aqhi abidiu, apunguu, akutsuniu eno achighiu lo kumvu chekeu huye Juda lo akemiqo ghenguno alokivi eno alokiqipu tsala shive nani, eno alakishi kupukimiye masake.”

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

1 Kor. 10:31

Tighenguno, nonguno chuna, shona momu kiu kiu shiepinamu kumtsulo Alhou jukuvupu ghenguno shilo.

2 Kor. 5:15

Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

Kolosiami 3:23

Okumlapuno kiukiu shiaghi namu timi qeamono Ampeu qeakeshi amlo qiqhiyi mlaithalo.