ZEKHARIA 7:14 - BAIBEL (BSI)

¹⁴ Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”

Sumi Naga CL (Re-edited) Bible (BSI)

¹⁴ “I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

ZEKHARIA 7:14 ပူးပေါင်းရင်းမြစ်များ

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

LESHELE 58:9

Panonguno tipau mtha aphi lono, panonguye alupi toi nhuve cheni; panonguno xuaphi lono Alhou no pa loghu kighide lono panoqo fupuwuve nani.

ISAIAH 17:13

Azu fukukucho iluche keshi ashiayehqono azuu hacheni, ikemu Alhou no panongu hakhake eno naghuto kighijelo ayeghi mukhu fupuwu ke toi eno miyitsutsulo no aghijini fupewuve ketoi panonguye athiu shochileve ani.

ISAIAH 21:1

Hiye Babilon ghenguno atsape lakhike. Miyitsutsuno asayeqhalo jole ighi keshi akuighupu ghakhu kudauno kutsa kungo keu ighi nani.

ISAIAH 60:15

“Nongu peve eno mithive chekehu piyighive eno kughu kughaleyi keu phughi lakhi shiacheke. Ino nongu pesu kije eno jukighilepu shitsuni, alhokupuju ghenguno alokivi-a lakhi shitsuni.

ISAIAH 66:15

AMPEU ye ami gholono ighi nani. Paye pano aloghu ide akemi ghimeqhinike pasapagha chishibo shou iku nani.

JEREMIYA 12:10

Inaghami ayehkipemi kutomono itsayilu kutsavetsuke; panonguno ilu neda qodavetsuke; panonguno iyeghi jukivi pesu asayeqha kughulhove tsuke.

JEREMIYA 23:19

Pa loghuye pasapagha lakhike, amlhu kumgha lakhike, tipauno kixikilami kutsu shou pidepukhu nanike,

JEREMIYA 30:23

AMPEU loghu kighideye pasapagha lakhi, amlhu kumgha lakhike, alhoksa kumlami kutsu shou muqhumuzai nanike.

JEREMIYA 36:19

Tileno panonguno pa vilo pi, “Jeremiya okujoye wupuzu itshuuve masake. Okujono khile ani keno khuu pelomu ithipe kevilo.”

JEREMIYA 44:6

Tighenguno ino imlo kighide ngo iloghu pesu Juda lo taunqo shou eno Jerusalem laghilalo lepukuke eno ino tipaqo shou ami suvetsuke. Tipaqoye ixapinyi qhiveke eno jukumsapu shivetsu, ishi kutolo tishi anike.

JEREMIYA 5:15

Israil lo akemiqo, AMPEU ye nongu leve penike ashiayeh lakhi putosuuno saghini cheni. Hiye mughachhoi keu eno mulholo shiayeh lakhike, nonguno panoqo tsa ale mthakeu shiayeh lakhike.

JEREMIYA 52:30

eno pano kakeu mipe muku akuthuu lono timi 745 Nebuzaradan no sawuvetsu ke. Kumtsu kelo, timi 4600 sawuvetsuke.

EZEKEL 12:19

Ashiayeh kumtsu vilo Akughushu MPEU tsape hipauye Jerusalem lo akemi khunoqono pano yeghilo xuaphi keno tipaqo vilo pilo. Panonguno chuakelo thuthushi itha nani eno panonguno shoakelo khokhoshi itha nanike. Panoqo ghakhuye xalepinyi kumsa shive nanike kughengu tilau xuakemi kumtsuno ayezah hexakemike.

EZEKEL 22:15

Ino nowu timiqo aghakhu kutaulo eno ashiayeh kutaulo kutholeve nani nokumla lhoksa kishekhave tsu nani.

EZEKEL 5:10

Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.

DANIEL 8:9

Akibo bidi dolo lakhi lono akibo aghulo lakhi ipeghi, pa kukano apeu kipelau eno ashoqhi yeghi kuto qhawo.

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

JOYIL 2:3

Ami toi tipaqono asutsuni chuve. Tipaqo zulo ayeghiye Eden ghutu toike, ikemu tipaqo thiu juaye asayeqha toi thoqhaleike. Kiunomu tipaqo zulo pokaumlake.

ACHINE 26:22

Ino nongu gholo akumsapu tughashi puwu nani eno tipaqono nongu tianuli heqhive nani, nongu tsu aqu kutsave nani eno nonguye timi aghulo likhive nani eno nongu laghiqoye yenguyeleive nani.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

AMUS 1:14

Tighenguno Rabba phughi kuptu shou ino ami suvetsu nani eno tipau liwo qogheqo pitilevetsu nani. Tile aghushi ake tsalalo yeyeshi igha nani eno aghukishiye pasapagha toi muqhumzayi nani.

NAHUM 1:3

AMPEU ye mlalei aloghu ide chemoe, ikemu paye akuka kumtouke, eno kuquvekeu khilemu ghime- mono puwuve chemoe. AMPEU no khile chewuni keno pasapagha ipeghi cheni; khungkusuye pa pukhuno hekutho keu mukhuke!

HABAKUK 3:14

Kughou tipaqono ni hale nike pasapagha toi ighi keno, tuqhouno kumlhomi nedaqhi chekemi toi tipaqono amlo qui shipuzu ighi kelo, opijino pawu aghushimi shou azah kutsuu jiqhivetsuke.

ZEFANIA 3:6

AMPEU no pi, “Ino ashiayeh qhoi joleve; ino panoqo phughiqo kutsalevetsu eno panoqono putu muxakeu ngo aghukhu qogheqo ixapiniyi qhivetsuke. Aphughiqoye piyighive; alaghilaye kumsa shivetsu nani, timi lakhimu qhitsumo nani.

ZEKHARIA 2:6

AMPEU no pawu timiqo vilo pi, “Ino aqha kumtsulo nongu hapiye pighive, ikemu itehiye nongu piyighivekeqo, Babilon lono pokawuvelo eno Jerusalem lo ideghivelo.

ZEKHARIA 8:1

Aqokitikhi MPEU no Zekharia vilo atsape hipau tsuke:

ZEKHARIA 9:14

AMPEU no pawu timiqo shou ipeghi nani; tsutsu phapha toi pano pa piji kapuwu nani. AMPEU Alhou no afuko kuigha nani; apeu no pasapagha lono pano igha ighini.

ZAKINIU 28:33

Inagha shiayeh lakhino nonguno akaveshi tuxatini mlaphe puthu pua keu kumtsu luvetsu nani ikemu nonguye kiumu ithumla ke likhi kumono tamono nongu qodaqhi eno akijikusa pushi peitha nani.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

ZAKINIU 4:27

“AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.