ZEKHARIA 7:13 - BAIBEL (BSI)

¹³ Ino pikeu panonguno inimoke ghenguno kughou panonguno inikhu keno ino khochilemoveke.

Sumi Naga CL (Re-edited) Bible (BSI)

¹³ “I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,

ZEKHARIA 7:13 ပူးပေါင်းရင်းမြစ်များ

AHOLE 21:13

Kumlhomino ighamuku keu initsumo aye okuphu peniye ighamuku keu chilutsumo nani.

AHOLE 28:9

Nono ayezah peluchemo aye Alhou ye okighini initsunikeu ighono mithi kutu cheni.

ISAIAH 1:15

“Kughou nonguno au peqhe pe inikhuni keno niye nongu lau jupuwumo nani. Nonguno khijejehi inikhu anamu niye initsumo nani kughengu nongu ulo aji dapusu anike.

ISAIAH 50:2

‘Kushiye ino xaluniye ighikelo iwu timi khumu aghimove kya? Kushiye ino kuju kelo panonguye khochilemo kya? Panoqo xakulupulo niye miqemileyive kesha? momu panoqo xaphe lunikeu kuka niye kuhave akesha? Ino ahza lakhi tsupuzu azughi pesu qhaiyivelu nani, aghoki pesu asayeqha kughulhovelu puzu azukuha kelauno akha tile akeqo thivepelu nani.

JEREMIYA 11:10

Panonguye pano puasu xinelo idewove ani, tipaqoye ino pikeu shini ke miliveke; panonguye kutau lhouqo mllauveke. Israil ngo Juda kuma kinikujo ino pano puasu sasu puloshoqhi shikeu kubovae.

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 11:14

Jeremiya, noye timi hipaqo ghenguno ilau khuini momu qhuiniju kevilo. Kughou panonguno shiluksa sholu puzu kuphupe nike ivilo pini keno niye panoqo sutsa chilutsumo nani.”

JEREMIYA 14:12

Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”

JEREMIYA 14:2

“Juda ye mloqa ani; tipau phughiqoye thi ayeake, tile akemiye amlokusashi ayeghilo ihozu, eno Jerusalem ye kuphulepi ighamuku ani.

JEREMIYA 7:27

“Jeremiya, tighenguno nono atsa hipaqo kumtsu pesu iwu timiqo vilo pinani ikemu panonguye otsa initsumo nani; nono panoqo kunani kemu panonguye okhochilemo nani.

AKUMLO 3:44

Nikighinino shoxu mla kepushi khungkusu shishoi keuno onhaluveke.

EZEKEL 14:3

“Thinikuau timio, timi hipaqoye asu-atu julho lau panoqo mlo tsuvae eno tino axinelo panoqo sawuvepe cheni. Niye khokichile panoqo tsu nani kepi panonguye kumsu ani kesha?

EZEKEL 20:3

“Thinikuau timio, timi hipaqo putsalo eno panongu vilo Akughushu MPEU no ishi pikeu pitsulo: Nonguye ipulou inijunike ighiani kema? Kuchouno niye xuakeu Lhou ke niye nongu pelo ivilo kiumu inijupemo nanike. Ni Akughushu MPEU no pivae.

EZEKEL 8:18

Ikemu panonguye iloghu kighide kumtsu pumasa nani. Niye panongu pheveni chemoke momu panongu jupe imlo iqiveni chemoke. Panonguno shiluke thaqhu ighamuku ilau khuini nani ikemu niye panoqo tsa initsumo nanike.”

MICAH 3:4

Nonguno AMPEU vilo ighamuku ighani kepu ghuloki wocheni, ikemu pano nongu tsa khochilemo nani. Paye nongu kukhu kighini initsumo nani kughengu nonguno alhoksa kumla mla puanike.

Luke 13:25

“Aki mpiu huno ithu puzu ahukikha khave nani, tile nonguno khalau puthughono ahukikha khukhu puzu, ‘Akijeu, ighenguno ahukikha khaqhilo’ pini keno pano nongu khochile nani, ‘Nonguye khilano cheni keno niye mthae!’

James 4:3

Nonguno khu cheni ikemu tipau ithulu chemoe, kughengu nonguno akumou lono khukehue, tiye nonguno ngosukumla ghapiqiniye khu chenike.