ZEKHARIA 5:3 - BAIBEL (BSI)

³ Tileno pano ivilo pi, “Tipaulo musuinikeu yepuku puani eno tiye aghakhuqha kumtsu shou wupeniyeke. Likuzu kaku tuxau yepua keuno aghakhu lono kupkami kumtsu haleve nikeu pipuani; eno tuxa kudau yepua keuno tushoqhi akelo mikichekemi kumtsu ikhipewuve nike pipuani.

Sumi Naga CL (Re-edited) Bible (BSI)

³ Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

ZEKHARIA 5:3 ပူးပေါင်းရင်းမြစ်များ

IPEKULU 20:15

“Noye puka kevilo.

AHOLE 29:24

Kupkami kusami shikeuye pa likhi pa ghumike. Pano kughakutha alo kuchou tsa piaye pa ghimeqhi kepu shive nani eno pano kuchou pimoaye Alhou no pa ghushove nani.

AHOLE 3:33

Kixikilami kibo shou Alhou no angsu becheni, ikemu akumzumi kibo kumghatsu cheni.

AHOLE 30:9

Ino kutomo auve aye, niye no-avehupu shiamo kepi pilunosake.Ikemu ino kumlhomi shiveaye niye pukauve nosake eno opipusakeu sughilu nosake.

ISAIAH 24:6

Ikehu Alhou no ayeghi shou musuini pukuveke ghenguno timiqoye panono mlavekeu lochile anike. Timi aghuloshi likhi xuauve cheni.

ISAIAH 43:28

Nowu ayehpemino ikungo-a kitiqevetsuke. Ikehu ino kutsakungokeu Israil shou sughike; iwu timiqoye ino thaighavepeke.”

ISAIAH 48:1

Israil lo timiqo, hipau inijulo, nongu Juda lagha lono iko ighikemiqo: Nonguye AMPEU jelono tushoqhi cheni eno Israil Lhou mlla cheni kepi piacheni, ikemu nonguye nonguno pikeutsa pechemoe.

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

JEREMIYA 5:2

Nonguno AMPEU mlla cheni kepi piaghi namu, nonguno akimki lono tushoqhi cheni.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 2:9

Au lakhi ikudau chhopuwo keu ino ithulu eno tipaulo likuzu kaku peake.

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

ACHINE 19:11

“Pukaqhi, pishiqhi momu miki kevilo.

ACHINE 19:12

Ije lono ashoqhi shikevilo nono tipau pemla kepushi kumsu aghi aye; tipauye shiputhakeu ishou sughi anike. Niye nongu Lhou AMPEU ke.

AMUS 3:10

AMPEU no pi, “Timi hipaqoye heqhi buqhikeu eno suxaluvetsu keu nhemgha pesu panoqo ki kuloghi chhitoi ani. Panonguye amikucho shinikeu ghi mthake.

ZEKHARIA 5:4

Aqokitikhi MPEU no pike pano musuinikeu hipau puwuni eno tipauno kupkami lakhikhi kilo ilo nani, tushoqhikelo mikikemi lakhikhi kilo ilo nanike. Hiye panoqo kilo ngoauve nani eno pano kuxu ixapinyipe qhive nani.”

ZEKHARIA 8:17

Kutami ghuzakileni keu laghi kughupe qhikevilo. Tushoqhi akelo kichileu shepe shitsu kevilo. Niye akimki ngo amikucho kumo xakutha eno heqhi buqhikeu mithi chenike.”

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MALAKI 4:6

Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

Luke 21:35

Kughengu tiye alichhe shipuakelo toi phayi ayeghi qhalo timi kumtsu shou ighi nani.

Ephesiami 4:28

Timi pukaqhi chekemiye hinguno hilauye puka kevilo, ikemu pa phiau peithano akikhishi mlano qechulo, tishino kumlhomi kuphukulupu shilo.

1 Tim. 1:9

Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

James 5:12

Ikemu ithikuzumiqo, kumtsu nguno alauno, nonguye kungugha, ayeghi momu kiukiumu pesu tushoqhi kevilo. Nonguye iye ipikepulo “Iye” ipilo eno moe ipikepulo “Moe” ipilo, tishianguno nonguye Alhou no kughathabe keulo ilomo nani.

James 5:4

Ikemu khunoqono nongu lulo ghile hutsukeno tipaqo jume nonguye khilemu tsuchemoe. Panongu ghugha inijulo! Nongu lulo ghile hutsukemiqo ghughaye Aqokitikhi Mpeu kini tovae!

JOSHUA 9:20

Ningu shoqhi ghenguno panongu pelo xu ape masae, nino tishimove aye Alhou no ni ghime nani.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.