ZEKHARIA 4:7 - BAIBEL (BSI)

⁷ Naghuto pahi vekukha kugha sholu pimu ozulo tiye hauve nani. Nono Achineki shiqhepuku kithe nani eno nono atuqo ashekhau pa-alo sulukelo timiqono, ‘Jukighilepu, jukighilepu!’ ipi igha asheshu nani.”

Sumi Naga CL (Re-edited) Bible (BSI)

⁷ O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

ZEKHARIA 4:7 ပူးပေါင်းရင်းမြစ်များ

EZRA 3:10

Kughou akumlamino Achineki boqha qhaluve keno achinemino pano phi nhemgha pepuluveno afuko igha nike pesu ngoluve eno Asap lagha Levimino alazayi kuyighanike puthugho ngoluve. David akukauno shipiye ketoi panonguno AMPEU sheqhetsue.

LESHELE 114:4

Naghutono ane toi ka-ka ilhe; atoghiqono bheritiqo toi ilhe ikuiqike.

LESHELE 114:6

Naghutoqo, nonguye kushiye bheriti qo toi ilheikuiqi kya?

LESHELE 118:22

Akikishimino atu khipau kileve keno tipau no kumtsu nguno alau atsukupu-u shive.

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

ISAIAH 28:16

Tighenguno AMPEU Alhou no ishi piani: “Zion lo tsatsayi keu eno akumto boqha lakhi ino qhi ani. Tipaulo akicheku tuqu lakhi ino qhi ani eno tipau shou atsa ishi yepuku puani, ‘Mutotoikeu kupuluye lhelheimo nani.’

ISAIAH 41:15

Ino opesu ashu mutsusuyi eno tsughaminhei keu athiqoche keu lipa shini. Nono naghutoqo qoqhi puzu tipaqo kutsave nani; atoghiqo amukhu kughulhove nani.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

MICAH 1:4

Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

MICAH 4:1

Ashekhalau tsalalo naghuto khi- paulo Achineki ani keno tipauye kumtsu nguno akiqheu shi nani, naghuto kutau kumtsu nguno akuchuquu shi nani. Ashiayeh kutomono tipaulo chokive ighi nani eno timi tipaqono ishi pinani,

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

ZEKHARIA 4:8

AMPEU launo atsape kutau lakhi ilau ighi.

ZEKHARIA 4:9

Pano pi, “Zerubabel no Achineki aboqha qhave ake eno pano aki tipau shiqhi nani. Kughou hipau shiveni keno ino iwu timiqo lau opuwu kepi panonguno ithi nani.

MATTHEW 21:21

Jisu no ishi panoqo khochile, “Kuchouno ino nongu vilo pini, nonguno akupulu aghi puzu amlolo lipikeu kuha aye, khughubo shou kiu shivekeno nonguye tipau shilu nani, eno tilikhi kumo puzu nonguno naghuto hipau vilo, ‘Iqesusu azughilo ilulovelo’ ipi kelomu tishivetsu nani.

MATTHEW 21:42

Jisu no panoqo vilo ishipi, “Nonguye kuchoyesulo hipau khilemu phimla kesha? ‘Aki kishimino atu khipau kideqhive keno, tipauno atsu-pukeu tuqu shive aghie, Hiye Ampeu no shivetsuke, eno tiye nizulo akichiqhipue!’ ”

Mark 12:10

Kuchouno nonguye kuchoyesulo ishi yepuakeu philuvea: ‘Aki kishimino atu khipau kileqhive keno tipauno kumtsu nguno akhotou tuqu shiaghive.

Luke 20:17

Jisu no panongu gilo jupuku puzu iniju. “Tishiaye Kucho yesulo hipau tsa kiqiye kiu kya? ‘Atu khikhi aki kishimino avehupu kuhapi peve keuno, Shishe akhotou tu shive aghi!’

Luke 3:5

Akuthoku kumtsu jokulaqalo, Naghuto eno ato kumtsu kulaqalo, Ihoghulaikeu la kumtsu muzuchoi shilo. Kukokilekeu laghi muduniyi shilo,

Apostolmi 4:11

Kuchoyesulo ishi pipuakeu huye Jisu pianike. ‘Atuqu khikhi nongu akikishimino kileve keno tino kumtsu nguno atsukupuu tuqu shiaghive.’

Rommi 11:6

Alhou no kishelukeu huye pano qhuivulayikeu shou anike thono panonguno shilukeu shou bepeamoe. Kughengu Alhou no kishelukeu hu timino shilukeu shou bepe ani aye Alhou wu qhuivulayi keuye kuchou shi qhuivulayikeu kumovae.

Ephesiami 2:20

Nonguye apostolmi ngo Alhouw tungkupmino aboqha shipuzu shiqhepukukeu ki lakhi ake, tipau puqhe akeu tuqu huye Khristo ke.

1 Peter 2:7

Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

Piyeküsü 16:20

Zudoyeghi kumtsu ithumlavepe naghuto kumtsu hauvepe.