ZEKHARIA 4:6 - BAIBEL (BSI)

⁶ AMPEU launo ighi keu tsape hipau Zerubabel tsulopi kungumi huno ivilo pike: “Noye aghushipu kumtono kumoe, momu okuka kumtono kumoe ikemu ighungu pesu tokulupu shi nani.

Sumi Naga CL (Re-edited) Bible (BSI)

⁶ Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ZEKHARIA 4:6 ပူးပေါင်းရင်းမြစ်များ

BOTHUBO 41:16

Josef no khochile pi, “Ino kumono Alhou no Farao lokughunopu khochiletsu nani.”

KUKAMI ATUGHIU 19:12

Ayeghi kughutha thiu ami ipeghi ikemu AMPEU ye ti amilomu kuha. Eno ami thiu mukhanono asutsa lakhi ipeghi.

YEKIKITHI AKINIU 14:11

Asa no pa Lhou AMPEU lau hitoi akighini shike,” AMPEU niLhou, kughengu ninguye oje lono aghumi kuloghi hipau sasu kumjoni ke ipeghi anie. AMPEU, noye ni Lhou ke; khuunomu otoluve kulupu kuhake.”

EZRA 2:2

Sakiphemi hipaqo: Zerubabel, Joshua, Nehemia, Seraia, Relaia,Mordekai, Bilshan, Mispar, Bigvai, Rehum, Bana. Israilmi lagha timiqo hakughutsuve keu lono ideighi kemi hipaqo:

EZRA 3:10

Kughou akumlamino Achineki boqha qhaluve keno achinemino pano phi nhemgha pepuluveno afuko igha nike pesu ngoluve eno Asap lagha Levimino alazayi kuyighanike puthugho ngoluve. David akukauno shipiye ketoi panonguno AMPEU sheqhetsue.

EZRA 5:2

Pamano Israil Lhou lau no asutsa pesu Shealtiel nu Zerubabel ngo Jehozadak nu Joshua pama lau sughi, pama vilo itaghi Jerusalem chineki mlathu penike pitsu eno mlathuve eno tungkupmi pama ghi panoqo kuphu.

LESHELE 33:16

Akukau lakhiye pawu ghushimi kuka kumtono aghu tolu chenike kumoe; Aghutomi lakhiye pa kumtono aghu tolu chenike kumoe.

YETSAPIU 9:11

Avehu kutau ino phupe puani, ike ayeghi hipaulo muthuthei pothikemiye pulhapuju tokulu shilu chemoe eno amlo kuloghimiye pulhapujulo aghukishilo tokulu shi chemoe. Alokutsumi qoye pulhapujulo xulu chemoe, be-lhochu achemoe, aqho kutsughamiye pulhapujulo kinimi shiluchemoe, eno phui thaikemiye pulhapujulo akuxu kuchuqulo ikulu chemoe. Angukusano kumtsu lau ighi cheni.

ISAIAH 30:1

AMPEU no piveake; “Khunoqono Juda lo ayehpe cheni keno ahaksapuke, kughengu panonguno ihebideke. Panonguno ino shimokeu kukughu papewu cheni eno axine lakhino lakhi shou heqabeghi panonguno ino pulosutsumo amu kulakishi shi acheni.

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 34:16

AMPEU wu lhoxu xuakemi kakulo lhejulo eno tipauno kiu piani keno phijulo. Lhoxu hipaqo lakhimu kuhavekeu shimo nani eno tipaqo lakhimu pututa kusau kuhakeu shimo nani. AMPEU no titoi shipenikeu shi ahza tsupuani, pa ampino tipaqo sawo kumqo nani.

ISAIAH 59:19

Kipelauno kulolau kutolo timi kumtsuno pa je eno pa kimthe kuka sumsa nani. Paye aghokino koha-ilu aketoi eno amlhu kumto toi ighi nani.

DANIEL 2:34

Nono tipau ju ake lono atuqu kuloghi kiu nomu bumono atumuqo lono ijosu ipeghino ajulho ayi aghanino shikeu pukhumuza hepho pinyivetsu.

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

HAGAYI 1:1

Darus no Persia lo akukatou shikeu ampe akiniulo aqhi akutsughou atsala atughiulo AMPEU no tungkupu Hagayi vechewo atsape tsuke. Tiye Juda lo ahng shiakeu Shealti-el nu Zerubabel ngo Jehozadok nu Achinetou Joshua pama lau pipuwuke.

HAGAYI 2:21

tiye Juda lo ahng Zerubabel ghenguno tsuke. “Niye atsutsu ngo ayeghi sukini nicheni

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

AKIKIHI 27:16

“AMPEU Alhou, kumtsu kuxu puki, ino ovilo inikhu anike, timiqo sakipheu shipenike timi lakhi kishe tsulo

Ephesiami 6:17

Xakulupu pesu akutsu qhopu lulo, eno Alhou tsa pesu Aghungu lo zutakikihi shi ikhilulo.

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

SAMUEL ATUGHIU 14:6

Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”

SAMUEL ATUGHIU 17:47

eno hilehi kuami kumtsu pelono AMPEU ye azutakihi momu anguno pawu timiqo xalunike avehupu shi chemoe pi ithilu peni. Paye aghushiqalo tokuluuke eno pano nongu kumtsu pesu niulo suvetsu nani.”