ZEKHARIA 4:10 - BAIBEL (BSI)

¹⁰ Kungumi huno ivilo pi, “Akulubo tsuni huye AMPEU nhethi tsuni ayeghiqha kumtsu shou jupuku achekeuke.” Panonguye aghuthi suveke kughengu aki kishi kumla kititi likhi shiluke. Ikemu Zerubabel no ngovemo puzu Achineki shi akeu panonguno ithulu nani eno panonguye alovive nani.”

Sumi Naga CL (Re-edited) Bible (BSI)

¹⁰ Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

ZEKHARIA 4:10 ပူးပေါင်းရင်းမြစ်များ

YEKIKITHI AKINIU 16:9

AMPEU ye khunoqono pa lau amlolo aghokulu shi acheni keno tipaqo shikumtoni ke paye ayeghiqha kumtsu thebei jukuto acheni ke. Noye aghuzu nikha shivae eno tighenguno itehi nguno hilauye noye pulhapuju lo aghu shi ananike.”

JOB 8:7

Okuxu abothu loye aghulo shi anamu okuxu ashekha lauye kije shive nani.

LESHELE 33:14

Pano khile ayehpeani keno tileno ayeghilo xuakemi kumtsu shou jupiqi ani.

AHOLE 15:3

Khile khileno kiukiu shiaghi namu AMPEU no ithulu ani; akivi mula ani keo alhoksa mula anikela paye ningu jukuto ani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 66:11

Nonguno li kinikulu kusaje nani, liye angano aza kichhi niake toinanike.

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

JEREMIYA 16:17

Panonguno shikeu kumtsu ino ithulu ani, ilauno kiumu kusuvemla; panoqo xineye igizu lono povemlake.

EZEKEL 1:14

Tishi akelo, lhoxuqo ghi tsutsupha kukulo lono ilheqho ilheqi ake.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

AMUS 7:2

Iwu kungunhetsulo, tulhaquno ayeghilo atsuni mini aghikeu kumtsu chukhave keu ino ithulu, ikelo ino ishi pi, “O AMPEU Alhou, owu timiqo xine pevetsulo! Panonguye kishieno puxuluni kya? Panonguye aghulo likhi eno miqemileike!”

AMUS 7:5

Tileno ino ishi pi, “Tavelo, AMPEU Alhou! ow timiqo kishieno puxuluni kya? Panonguye aghulo likhi eno miqemileike!”

HAGAYI 2:3

“Nongu gholo khualano Achinekiye kiutoi jukighilepu shi achekeno itaghi kumsuchilelu nani ma? Itehi tipauye kiutoi ani keno nonguye kishi ithulu ani kya? Hiye kiumu kumo kughashi kumsu aghiluvi.

ZEKHARIA 3:9

Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

ZEKHARIA 9:1

Hiye AMPEU tsapeke: AMPEU no Hadrak yeghi ngo Damaska phughi aghime tsunikeu kughathave ake. Israil lo ashiayeh akeqo likhi kumono Siriya phughi ghi AMPEU wu ke.

Luke 15:32

Ikemu ninguye aghulhu lakhi shino alokivi shikepu shive, kughengu othikuzuuye thive ikemu paye xuaghie, paye puhave, ikemu itehiye pa phuluvae.’ ”

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 8:2

Tileno Alhou zulo kungumi tsuni akeqo ino ithulu eno afuko tsuni pesu panongu tsue.