ZEKHARIA 3:8 - BAIBEL (BSI)

⁸ Tishiaye, hi inilo, no Achinetou Joshua eno nongu pa gholo achinemi shiakemiqo, nongu ighinikeu tsala kivipulo michipuqo, hi inilo: Ino iqeu, Aloka ipi kuchekeu hu pephepiye nani!

Sumi Naga CL (Re-edited) Bible (BSI)

⁸ Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

ZEKHARIA 3:8 ပူးပေါင်းရင်းမြစ်များ

LESHELE 71:7

Timi kutomo ghenguno ikuxuno kichekipiyeu shi acheni, kughengu nono isusholukeu liwo ke.

ISAIAH 11:1

Jese suzungu lono apishe lakhi ipeghi nani eno pakuhu lono aloka lakhi ipeghi nani.

ISAIAH 20:3

Kughou Ashdod khasuluve keno, AMPEU no pike, “Iqeu Isaya ye aphi eno apukhu kumsano ampe kuthu iqhoiqi ake. Hiye Ijip ngo Sudan lau shini chekeu michi ke.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 49:3

Pano ivilo pike, “Israil, noye iqeuke; oghenguno timino isheqhe nani.”

ISAIAH 49:5

Ipunu mphi lono AMPEU no isukusu shipe qhiveke; pano pa qeu pelo pawu timiqo sachilesaghi penikeu shi mlatsuke, Israil lo apanaghave keu timiqo sachile saghipe niyeke. AMPEU no agigihupu itsuke; paye ikumto ighichekeu pukike.

ISAIAH 52:13

“Iqeuye pa kumlapulo shiwotolu nani; akiqheu lono pa gihu kepu shinani.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ISAIAH 8:18

Julo, ni eno Alhou no itsukeu anuliqoye aqokitikhi shou AMPEU no pawu timi Israilmi lau amchipu eno xuake lono atsape shiapeniyeke; paye Zion toghilo ache keu Lhou ke.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 33:15

Tipa ghulokilo David laghami amikucho lakhi akukau shipenike ino kishelu nani. Akukau tipauno aghakhu kumtsulo kiuno achipi eno kuchou keno tipau shi nani.

EZEKEL 12:11

Nono kiu shikeno tipau panoqo lau kiu shini cheni keno tipau michipu kepi panoqo vilo pilo. Panonguye kupokichemi eno akughumi shive nanike.

EZEKEL 12:6

Nono obighilo okho xapuqheluve puzu onhethi nhaluveno zumoikeulo chesu wuvekeu panoqo pelo ojukuto apelo. Tishianguno noye khilau wucheni kela ithumlakeu shilo. Nono kiu shikeno tipauno Israilmi lau kutughu akeu lakhi shi nanike.”

EZEKEL 24:24

Tileno niye nongu ghenguno amichipu lakhi shive nani; nonguye ino shivekeu kumtsu shi nanike. AMPEU no pike kughono hipau shini keno paye Akughushu MPEU kepi nonguno ithi nani.”

EZEKEL 34:29

Ino aghuma luza panoqo tsu nani eno aghakhulo akhuava kishekhavetsu nani. Ashiayeh kutamiye hinguno hilauye panoqo gihu nani.

EZEKEL 37:24

Akukau lakhi iqeu David toikeuno panoqo kukau shive nani. Panongu kumtsu ayehkipeu lakhi qholono kuqhaluve nani eno amikucho shi iyezahqo papelu nani.

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

Luke 1:78

Panongu xineqo pevetsu keu vechewono pawu timiqo vilo xakulu kighithi tsu nani. Kughengu niLhou ye kimiyekini eno kupukini ke;