ZEKHARIA 3:4 - BAIBEL (BSI)

⁴ Kungumino kungughalomi jukutotsu chekemi vilo pi, “Timi hipauno niqhunilai keu phimini uakeu ikhipewuvelo.” Tishieno pano Joshua vilo pi, “Ino oxine ikhi pewuvetsuake eno aphimini kithe pepupe nike otsu nani.”

Sumi Naga CL (Re-edited) Bible (BSI)

⁴ Eno kungumi huno pa zülo puthugho akeqo vilo pi, “Niqhinilai keu phimini pa launo xave tsülo.” Eno Joshua vilo pa no pi, “Julo, I no o launo o xine ikhive tsüae, eno I no tsüghükhüi keu phimini o pipeni.”

ZEKHARIA 3:4 ပူးပေါင်းရင်းမြစ်များ

SAMUEL AKINIU 12:13

David no pi, “Ino AMPEU zulo axine mlavae,” Nathan no khochile pi, “AMPEU no oxine pevetsu ani; noye thimo nani.

KUKAMI ATUGHIU 22:19

Mikaiya no pikibe pithu: “AMPEU no kiu pi anikeno inijulo! Niye AMPEU no pawu kungumi kumtsu sasu kungughalo akuka lakhulo pa suhomxa pesu puthugho akeu ithulu ani.

LESHELE 51:9

Ixine launo onhethi miyiluvelo eno ilhoksa kumtsu isuvetsulo.

ISAIAH 43:25

Ikeghi, niye nongu xine pevetsu chekeu Lhou ke, niye nike ghenguno tipau shitsu cheni. Niye nongu xine nongu shou tishi puatsumo nani.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

JEREMIYA 52:33

Ike Jehoiachin ye akughu shi achekeu phimini xakiliveno pa kuxu kupujulo akukauno alibe chuche keu alo chupe nikeu pulovetsu.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

EZEKEL 42:14

Kughou achinemino Achinekilo apuzu akikhala khalau ipe nishini keno panonguye AMPEU mlla akelo pepu akeu phimini achebo hipaqolo qhive masake. Panonguye timino khilehi kumqo ani keno tipaqhalo wumphi lono aphimini kutau pepu masake.”

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

MICAH 7:19

Noye itaghi nilau kupuqhiyi kithe nanike. Nono nixineqo apukhuno nedaqodave nani, eno azughi polalo tipaqo vesuve nanike!

ZEKHARIA 3:1

Kungunhetsu lono AMPEU no Achinetou Joshua ipiyeke. Tilehi Joshua phivilo Satan puthughono pa nguku keu tsa sughiniye kutope ake.

ZEKHARIA 3:7

“Nono iyezahqo papelu eno ino ovilo shilopikeu kumlapu saje shiche aye, noye ichineki eno tipau bocho shou peitha chepe nani eno ino kungumi izulo akemiqo kighini chilutsuke toi ino okighiniqo chilutsu nani.

ZEKHARIA 3:9

Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

MATTHEW 22:11

“Akukauno inamiqo juniye iloghi, eno tilehi timi lakhiye kulakupulo ukeu phimini pepumono aghikeu ithulu.

Luke 1:19

Kungumino khochile pi: “Niye Gabril, niye Alhou phivilo puthugho acheni, oputsa penike eno hi atsakiviu olau peighi penike ipuwue.

Luke 15:22

Ikemu apuhno pa qemiqo kuno pi: ‘Papashilo, akuuphi akiviu sughino pa pu-ulo. Anguthi pe pa-u lotilo sutsulo eno apukhu kuqho pe pa pukhu qhotsulo.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Rommi 3:22

pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

1 Kor. 6:11

Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Kolosiami 3:10

Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.

IBRIMI 8:12

Panonguno hekibide xine shikeu shou imlo ighiqhiyikeu anani, Eno niye panongu xineqo khilemu kihikula tsumove nani.”

Piyeküsü 5:11

Itaghi ino jukelauye kungumi phikhakumla qhethonheno qhethonhe kutolo akeu sutsa chilue. Panonguye akuka lakhu ngo akuxu akeu lhoxu bidi eno muchomiqo vehomxa pesu puthughono,

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.