ZEKHARIA 2:9 - BAIBEL (BSI)

⁹ “AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.” Kughono hipau shikupuni keno timi kumtsuno Aqokitikhi MPEU no ipuwu kepi ithi nani.

Sumi Naga CL (Re-edited) Bible (BSI)

⁹ “Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

ZEKHARIA 2:9 ပူးပေါင်းရင်းမြစ်များ

ISAIAH 10:32

Ishi tsalaye aghumiqoye Nob taunlo ani eno tilauno Zion toghi, ti Jerusalem phughi vilo kutotsu nani kepi au chishepiye ani.

ISAIAH 11:15

AMPEU no Suez lo azucheku puthovetsu nani eno pano shukuthui keu mulhu puwu puzu Eufrati ghokizu fuputhove nani eno aghokiti tsuni likhi qhive nani, tishi kehu timino alachesu kathawuluve nani.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 13:2

Asutsuni kuhakeu naghuto shou aghushi michiphi peqheke! Ghushimi vilo ighamuku pilo, eno panoqo pelo aqhekuza phughi liwokikha lewu penike ou peqhe pesu kichetsulo.

ISAIAH 14:2

Ashiayeh kutomono Israilmi kuphu puzu AMPEU no panoqo tsupuakeu yeghilo idewolupe nani eno tilehi ashi ayehqo Israilmiqo quaxemi shi ghi panoqo qe nani. Khunoqono ghuthu lakhiloye Israilmi khasulu puakeno Israilmino tipaqo khasuluve nani eno Israilmi no panoqo nedaqhi chekemi shou ayehpe nani.

ISAIAH 19:16

Tipa tsala loye Ijipmi ye totimi toi kujokighiyi nani. Kughou AMPEU no panoqo ghimeni ke pa-u chhopuwo keu ithuluni keno panonguye thughuyi kelauno msakhokhoi nani.

ISAIAH 26:1

Tipa tsalalo Juda ghakhulo Timiqono ale hipau phe nani: Niphughiye mutotoike! Alhou ampino tipau putu puakeu sushoke!

ISAIAH 33:1

Nighumi ghenguno ahaksapuke! khunomu panoqo wu pukalumo momu panoqo pesu athe shisuvemo kemu panonguye pukaluve eno athe shive anike. Ikemu panoqono pukanikeu eno athe shini keu ghuloki ashekha shive nani eno kutamino panoqo pukaqhi eno xaleqhi nani.

ISAIAH 33:21

AMPEU no pa kimthe jukuvu ningu piye nani. Ninguno aghoki kije eno aghokiti qhachhokeulo xunani ikemu aghumi zukilu ye tipaqolo tuha sawumo nani.

ISAIAH 33:23

Zukilulo akighi tshupukukeu tsukuchoye adouke, aphi fupe wupekeuye xachhomlake! Ninguno nighumi aghushi akeqo wu kinikulu tsuquluve nani eno tiye kumzapu kehu ayiku ipavekemi ghi pano saje anani.

ISAIAH 4:5

Tileno Zion Naghuto shou eno tinguno alau khijehi kumqope aghini keno tipaqo shou AMPEU no puchouno khungkusu lakhi puwu eno putholoye amichhi ngo vuqaikeu mi mili lakhi ishi puwutsu nani. Alhou wu akimthe jukuvuno aphughi kumtsu nhape susholuve nani.

ISAIAH 48:16

“Itehi ipunu ighilo eno ino kiu pini keno inilo. Inahuu abothu lono ino aqha zulono pivae eno pulhapuju itsaye kuchou shi aghipe cheni.” (Itehiye Alhou AMPEU no pa kuka itsuke eno ipuwuke.)

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

ISAIAH 60:19

“Puchou khilemu tsukinheno nongu kuvu shimo nani. Momu putholo aqhiye nongu kuvu shimo nani. Ni AMPEU no alhokupujulo nongu kuvu shi nani; Ikimthe jekipi kuvuno nongu shou yepuvu nani.

JEREMIYA 27:7

Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

JEREMIYA 28:9

Ikemu tungkupmi khuno iquighai keu ashe-azu tsa pinikeno tipauye kuchouno AMPEU no puwu puani keo mokeno kimchilu nikeuye pano ashe-azu tsa pikeu shikupu keu lonoke.”

JEREMIYA 8:19

Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

EZEKEL 39:10

Panonguye aluzalo sukughupusu ghewumo nani momu aghasalo asubo yeqhimo nani kughengu panonguye aghunanu qhipuaghive keu sughu nani, Khunoqono pano haleqhi eno xulepuwu puanikeno panonguno tipaqo haleqhi eno tipaqou xulepuwu nani.” Akughushu MPEU no pivae.

JOYIL 2:27

Tithiuno, Israil, niye nongu gholo anikepi ithi nani, eno ni, AMPEU no nongu Lhou eno kutau Lhou kuhake. Iwu timiqo khilemu jukunatha kithe pemo nani.

HABAKUK 2:17

Nonguno Libanon ghasu yeqhiveke; itehiye noyeqhive nani. Nonguno tipaulo lhoxu akeqo pithiveke; itehiye lhoxuno nongu shikumsa nani. Hipau shi nani kughengu nonguno timi ghiqhi puanike eno nonguno ayeghiqhalo akemiqo eno panoqo phughi shou a-ubeke.

HABAKUK 2:8

Nonguno ashiayeh kutomo xulepuwuke ikemu tipaqo gholo puxupe puaghi keqono nongu xulepuwu nani, kughengu nonguno timi ghiqhileke eno nonguno ayeghiqhalo akemiqo eno panoqo phughi shou a-ubeke.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

ZEFANIA 3:15

AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

ZEKHARIA 2:8

Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

ZEKHARIA 4:9

Pano pi, “Zerubabel no Achineki aboqha qhave ake eno pano aki tipau shiqhi nani. Kughou hipau shiveni keno ino iwu timiqo lau opuwu kepi panonguno ithi nani.

ZEKHARIA 6:15

Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.

ZEKHARIA 9:15

Aqokitikhi MPEU no pawu timi susho nani, panonguno aghumi kutsaleve nani. Panonguno shomkuzumi toi aghushi akelo igha nani eno pano ghumiqo ji pele nani; Tiye akumllagho khachelo akhu lono aghashikeu ji pelekelo toi tipaqo ji qowu nani.

John 13:19

Hipau shimphi lono ino itehino nongu vilo pive anike, tishianguno kughono tishini keno, ‘Niye nike’ ipikeu nonguno pulu nani.

John 16:4

Ikemu ino nongu vilo hipaqo kumtsu pive ani, tishianguno kughou panonguno hipaqo shikepu ghuloki ighini keno,nongu pelo panoqo ghenguno ino pivekeu tsa kumsulu penike.” “Abothulo niye nongu vilo hipaqo thime pimoe, kughengu ino nongu gholo acheke.