ZEKHARIA 2:8 - BAIBEL (BSI)

⁸ Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

Sumi Naga CL (Re-edited) Bible (BSI)

⁸ Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

ZEKHARIA 2:8 ပူးပေါင်းရင်းမြစ်များ

BOTHUBO 20:6

Alhou no asamouno pa vilo pi, “Iye, noye omlo kiumu kupuna kupugha keu kuhano li saghi kepi ino ithi anie, kughengu opelo ishou axine shipemoni aye nighi osuchileluve anike tighenguno ino opelo li bupe moveke.

KUKAMI AKINIU 24:2

AMPEU no pa qeu tungkupu vechewo pano shi nani piketoi kuchono AMPEU no Babilon ghushimi, Siriyami, Muabmi eno Amunmi hipaqo ighino Jehoiakim sasu aghushithu eno Juda yeghi shipsa thuve.

LESHELE 17:8

Onhekiyighi shi ijukuto tsulo, kixikilamino ishipusaniye akeulo. Akithipu ghumi no suhope iha akeulo, ochishibo yekukhu qholo ikughutshuvelo.

AHOLE 7:2

Ino ovilo kiu pikeno tipau shilo eno noye xulu nani. Onhethi sushope qhiketoi ino shika keu kutokupui papelo.

ISAIAH 49:19

“Noghakhuye xalepinyive eno kughukughaiveke, ikemu itehiye tilehi kughunaniye chekemiqo ghenguno ngozula nani. Khunoqono nongu xalepinyive tsu keno tipaqoye nongu launo putosulo ikhikiqeve nani.

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 27:7

Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

EZEKEL 25:12

Akughushu MPEU no pike, “Edom lo akemiqono Juda shou amkhu lhoksa luke eno tipau mukhu lukeu huno Edom shou ado kushuwa kutolo kuqu auvae.

EZEKEL 25:15

Akughushu MPEU no pike, “Filisityamino khaghino pano ghumi shi achekemi shou amkhu kulu alhoksapushi luke eno panonguno kimthikile kelauno tipaqo kutsaleveke.

EZEKEL 26:2

“Thinikuau timio, Tur phughilo akemiqono ishi vekipighi igha akhanike. ‘Jerusalem ye kubopinyivae! Lino lhidi lhighi shiluchekeuye chevae! Liye nisasu kusuxa chekeu shimo ake!’ ”

EZEKEL 26:20

Ino kithimi yeghilo opiqive nani, khaghi ghulokilo xuachekemi gholo acheuve peni. Ino opelo oqhou achekeu yeghiqhalo ixapiniyive keqo gholo ngope nani, kithimi sasu kumtsa amuqo shipe nani. Tishive keulo noye khilemu kughuna kithemo nani eno kuxumi yeghilo o-a kuha nani.

EZEKEL 35:5

“Noye pulhapuju Israilmi ghumi shi acheni eno li kutsakungo ake ghulokilo li xine ghenguno aghime ashekhau sholu akelo liwu timiqo ghiqhivepeke.

EZEKEL 36:11

Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

EZEKEL 38:11

Noye akukuphu kuhamithe keu ghakhu lenikeu shi xatha nani. Tipau ghakhulo timiqoye iquighai eno kupunakeu kuhano eno mujochileni keu kuhakeu eno putukhamokeu taunqolo kughuna achenike.

EZEKEL 38:14

Ike Akughushu MPEU no Gog vilo kiu piani keno tipau pipe niye ipuwu no pike: “Kughou iwu timi Israilmi no sushokulu shi xuani keno, noye o-a ahuu alakushuwa lono

AMUS 1:11

AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

AMUS 1:13

AMPEU no pi, “Amun lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno alughi alau ikowoniaye aghu shikeulo panonguye Gilead lo totimi mishipu aghikemi po ghilevetsuke.

AMUS 1:9

AMPEU no pi, “Tur lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi lhoxu kumtsu Edom yeghilo piyighiuve peke eno visho shipuakeu pemoveke.

MICAH 4:11

Ashiayeh kutomo hekutsu no nongu leighi. Panonguno pi, “Jerusalem ye kutsaleve masake! Aphughi hipau ixapinyivekeu ninguno ithulunike!”

MICAH 5:6

Panoqono aghunanu pesu Asiriya shou ayehpe nani, eno kughou Asiriyamino nighakhu leighi nikeno panonguno tipaqo launo nixalu nani.

MICAH 7:10

Tile nighumi qono tipau ithulu puzu kujove nani, ti nighumi, ni-cheqhi puzu nivilo, “No Lhou AMPEU ye khile ani kya?” ipi inijue. Panoqo shou toluvekeu eno panoqoye alaghilalo aniba toi neda qodakeu nino ithulu nani.

HABAKUK 2:17

Nonguno Libanon ghasu yeqhiveke; itehiye noyeqhive nani. Nonguno tipaulo lhoxu akeqo pithiveke; itehiye lhoxuno nongu shikumsa nani. Hipau shi nani kughengu nonguno timi ghiqhi puanike eno nonguno ayeghiqhalo akemiqo eno panoqo phughi shou a-ubeke.

HABAKUK 2:8

Nonguno ashiayeh kutomo xulepuwuke ikemu tipaqo gholo puxupe puaghi keqono nongu xulepuwu nani, kughengu nonguno timi ghiqhileke eno nonguno ayeghiqhalo akemiqo eno panoqo phughi shou a-ubeke.

ZEFANIA 2:8

Aqokitikhi MPEU no pi, “Muab lo ngo Amun lo akemi qono iwu timiqo pipusa eno panoqo theqhikeu ino chiluvae eno iwu timiqo yeghi luvetsuni kepi qheza ani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

ZEKHARIA 2:9

“AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.” Kughono hipau shikupuni keno timi kumtsuno Aqokitikhi MPEU no ipuwu kepi ithi nani.

ZEKHARIA 8:5

Alaghilalo itaghi apumi ilimino chhitoi ili akha nani.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

MATTHEW 25:45

Tileno panoqo vilo pano ishipi nani,’Kuchouno ino nongu vilo pini, nonguno hipaqo gholo akitilau lau shitsumovekeu hu, nonguye ti ilau shitsumoveke.’

John 14:26

Ikemu Shikumtokutsuu, Aghungu Kimthe hu Apu no ije lono puwunikeu huno thwokha nongu shika nani, ino nongu vilo pivekeu kumtsu pano nongu pelo kumsuchilelu pe nani.

John 17:18

Nono ayeghiqhalo ipuwu kehu toi nighi ayeghiqhalo panoqo puwuvae.

Apostolmi 9:4

Paye ayeghilo iluqive eno asutsa lakhino pa vilo pikeu chilu, “Saul, Saul! Noye kushiye ikijipusa ania?”

ZAKINIU 32:10

‘Panonguno asayeqha lo itsuche kelono pano panoqo phulu, tiye kughukughalei amlhuno fuchighikeu sayeqhae. Pano panoqo susholu eno tucho hejuluve tiye pa likhi pa susholu akeshie.

2 Thes. 1:6

Kughengu kiuno achipi keno Alhou ye tipau shi nani: khunono nongu ghimeqhi ani keno tipaqo ghime nanike,

1 John 4:14

Nino ithuluvae eno kutami vilo Apu Alhou Nu pelo ayeghiqhalo Xakuluu shipeniye puwu kepi ninguno ashepe shiani.