ZEKHARIA 2:13 - BAIBEL (BSI)

¹³ Timi kumtsu AMPEU zulo inaqhoivelo, kughengu paye pa kimthe kungo-a lono chenike.

Sumi Naga CL (Re-edited) Bible (BSI)

¹³ Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

ZEKHARIA 2:13 ပူးပေါင်းရင်းမြစ်များ

YEKIKITHI AKINIU 30:27

Achinemi ngo Levimino timiqo shou AMPEU wu kukumgha khubetsu. Kungugha lo pa kungoa lono Alhou no panoqo kighini chilutsu eno tipaqo ikhilu tsu.

LESHELE 11:4

AMPEU ye pa chineki kimthelo ani pa kuka lakhuye kungughalo ani. Paye timi nuliqo jukuto acheni eno panonguno kiu shikeno ithi acheni.

LESHELE 46:10

“Aghukishi tavelo eno niye Alhou kepi ithilo, niye ashiayeh kutami gholo akiqheu, ayeghiqhalo akiqheuke” ipi pano pi.

LESHELE 68:5

Pa kimthe chinekilo ngochekeu Alhou ye mighimgha ngo chime miqo susho eno tuchohiju cheni.

LESHELE 78:65

Ashekhalo, AMPEU no zu apuzu ithughi keshi ilhethughi; Paye timi kumtomi lakhi aji shopuxu pe akeshive.

ISAIAH 14:2

Ashiayeh kutomono Israilmi kuphu puzu AMPEU no panoqo tsupuakeu yeghilo idewolupe nani eno tilehi ashi ayehqo Israilmiqo quaxemi shi ghi panoqo qe nani. Khunoqono ghuthu lakhiloye Israilmi khasulu puakeno Israilmino tipaqo khasuluve nani eno Israilmi no panoqo nedaqhi chekemi shou ayehpe nani.

ISAIAH 19:16

Tipa tsala loye Ijipmi ye totimi toi kujokighiyi nani. Kughou AMPEU no panoqo ghimeni ke pa-u chhopuwo keu ithuluni keno panonguye thughuyi kelauno msakhokhoi nani.

ISAIAH 41:1

Alhou no ishi pi, “Inaqhoivelo eno ino pikeu inilo, O azumukulo ayeghiqo! Kughakilo nowu kughakuthapu tsunike kutolulo; Nonguno pipenike adokivi nongu tsu nani. Khuuno achipi keno ningu xatha nike kumtsa kumqoni nolo.

ISAIAH 51:9

Idathughilo AMPEU, nikuphulo! Okuka peithano ni xalulo; khaghi ghulokilo nono shikeu toi okuka peithajulo.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

ISAIAH 63:15

AMPEU, kungugha khile akimthe eno ojukuvulo nono achenikeno tilano nishou jupukutsulo. Nighenguno nono shishe alokumsu shikeu khile ani kya? Okukaye khile ani kya? Okikimiye eno omlo ighiqhiyikeu khile ani kya? Nijupichi kevilo!

JEREMIYA 25:30

“No Jeremiya ye ino pivekeu kumtsu pesu asheshu masa. Noye timi hipaqo vilo ishi pilo, ‘AMPEU no kungugha kudauno ighamuku ani eno kungugha kuchuqu lono tsutsu su nani. Pano pawu timiqo shou ighapuku nani; paye timi lakhi atsayithi qole akelo toi ighamuku nani. Ayeghi shou akemi kumtsu tipau chilu nani.

HABAKUK 2:20

AMPEU ye pa Achine ki kimthelo ani; ayeghilo timi kumtsuno pa zulo iquneyi shilo.

ZEFANIA 1:7

AMPEU tsalaye kupunuvae; tighenguno pa zulo inaqhoi shivelo! AMPEU ye aghashi mllakeu lakhi toi pawu timiqo ghiqhi nike kutope ani.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

ZEFANIA 3:8

AMPEU no pi, “Ino ithupuzu ashiayehqo ngukunikeu tsala kutolo khe-aghilo. Niye ashiayehqo ngo akukaqhaqo hekutsu nike xathaluvae, eno panoqo shou iloghu agho-shi pipekeu ithipe nani. Ayeghiqha kumtsu iloghu mikuyiquno pitileve nani.”

ZEKHARIA 4:9

Pano pi, “Zerubabel no Achineki aboqha qhave ake eno pano aki tipau shiqhi nani. Kughou hipau shiveni keno ino iwu timiqo lau opuwu kepi panonguno ithi nani.

ZEKHARIA 6:15

Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

ZAKINIU 18:21

“Tungkupmi lakhino atsape shikeuye AMPEU launo ighikemo keno nonguye kishi puzu pilu nani kelapi nonguno akumzaqhiyi aghiluvike.

ZAKINIU 18:22

Tungkupmi lakhino AMPEU jelono piaghi aye eno pano kiu pikeno tipauno kuchou shi aghimo aye tiye AMPEU launo ighikeu tsape kumoke. Tungkupu tipauye pa likhi pano kumsulu keu lono pive ake eno nonguye pa musa kepu kumoke.”

ZAKINIU 26:15

Kungughalo okimthe-a lono jupiqi tsulo eno owu timi Israilmi kumghatsulo; nono nipuassu lau tushoqhiveke toi kinikulu eno aghuma yeghi ningu tsuve keu shou ghi kumghatsulo.’