ZEKHARIA 2:12 - BAIBEL (BSI)

¹² Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.

Sumi Naga CL (Re-edited) Bible (BSI)

¹² Ampeu no akimthe yeghi lo Pa saje shi Judah ighi luve nani, eno itaghi Jerusalem kisheluve nani.”

ZEKHARIA 2:12 ပူးပေါင်းရင်းမြစ်များ

YEKIKITHI AKINIU 6:6

Ikemu ije tile apenike ghenguno ino Jerusalem kishelue eno David pelo iwu timi Israilmi shou ngopenike kishelue.’

ESTHER 6:13

Haman ye tipa tsalalo kiu shive keno pa nipu Zeres eno pa kusamiqo vilo pikelo panonguno ishi pa khochile, “Mordekai no Judami shi aghiaye noye pa shou kumu shilumo nanie, ikemu noye pa zulo ikiqiveni putsae.”

LESHELE 105:15

“Ino kisheluvekeu iqemi shipusalu nosake; iwu tungkupumi bukevilo.”

LESHELE 132:13

AMPEU no Zion kisheluke; tipau pesu pano ngochekeu-ki shinishike;

LESHELE 132:14

“Hiye alhokupujulo ino ngochekeu-a ke; ino hilehi ngono ayehpeni shicheni.

LESHELE 135:4

Pano pa likhi pa ghenguno Jakob kisheluke, Israilmi pe pawu shiniye kisheluke.

LESHELE 33:12

Khuno shiyehno AMPEU pesu pano Lhou shini keno tipano lokivipue; Pano khunoqomi kishe pesu pawu timi shiluveni keno tipano Lokivipue!

LESHELE 82:8

Ighilo, O Alhou eno ayeghiqha shou ayehpelo; ashiayeh khijehi ani keno kumtsu owuke.

ISAIAH 14:1

AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

ISAIAH 17:14

Avelauye panonguno timi shikichi ikemu inaqhe panonguye povae. Niyeghilo xule puwuvekemi kumtsu sala hikithipu kutopuanike.

ISAIAH 41:9

Ino ayeghi shekha kudauno osaghike; tipau cheku kudauno ino okuluke eno ovilo pike, “Noye iqeuke.” Niye omilivemoke ikemu okisheluke.

JEREMIYA 10:16

Jakob Lhou ye panoqo toimoke. thwokha kumtsu lhokeuye pa likhinoke, eno pawu timi shipenike pano Israil kishelue. Pa jeye Aqokitikhi MPEU ke.

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

JEREMIYA 51:19

Jakob Lhou ye tipaqo toimoke; Pano thwokha kumtsu lhoqhike, eno Israil kishelu keuye pawu timiqo shiache peniyeke. Pa jeye Aqokitikhi MPEU ke.

ZEKHARIA 1:17

Kungumino ivilo highi pesu asheshulo pike: “Aqokitikhi MPEU no pike pa phughiqoye itaghi kinikulu shive nani eno pano itaghi Jerusalem kuphu kithe eno aphughi huye pawu kepi pukhaluve nani.”

ZEKHARIA 3:2

AMPEU wu kungumino Satan vilo pi, “AMPEU no okileqhive peniu, Satan! AMPEU, Jerusalem kimiyekicheuno okileqhive peniu. Timi hipauye ami lono puxuphelu keu sulu lakhi toike.”

ZAKINIU 32:10

‘Panonguno asayeqha lo itsuche kelono pano panoqo phulu, tiye kughukughalei amlhuno fuchighikeu sayeqhae. Pano panoqo susholu eno tucho hejuluve tiye pa likhi pa susholu akeshie.

ZAKINIU 32:9

ikemu Jakob polo kughukomiye pa sala shi pano kishelue.