ZEKHARIA 2:11 - BAIBEL (BSI)

¹¹ Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

Sumi Naga CL (Re-edited) Bible (BSI)

¹¹ Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 2:11 ပူးပေါင်းရင်းမြစ်များ

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

IPEKULU 12:49

Ayeh hipauye nongu Israilmi shi punu kemi eno inaghami nongu gholo acheuve kemi kumtsu shou aphiphike.”

ISAIAH 45:14

AMPEU no Israil vilo pi, “Ijip ngo Sudan lo kinikulu akeuye owu shi nani, eno Seba lo timi kushuwaqoye oqemi shi nani; Panonguye ayi kichheno tshupesu opape nani. Panonguno ozulo itsaiqi puzu ishi piphetsu nani, ‘Alhou ye ogholo ani, pa likhino Alhou ke.

ISAIAH 48:16

“Itehi ipunu ighilo eno ino kiu pini keno inilo. Inahuu abothu lono ino aqha zulono pivae eno pulhapuju itsaye kuchou shi aghipe cheni.” (Itehiye Alhou AMPEU no pa kuka itsuke eno ipuwuke.)

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

ISAIAH 52:11

Nongu achineki nhemgha xapuche kemiqo, nonguye mutsuqheino Babilon qhivelo! Chinikepu nhemgha kiumu bukevilo; nonguye akimtheshi apuzu chevelo.

ISAIAH 66:19

eno ino panoqo ghimeqhi ani kepi panoqono ithi nani. “Ikemu ino panoqo khamiye ghupe qhinani eno ashiayeh kutami lau ngo putosu yeghilo akemi ijekipi chimla aphikemi eno ikuka kuloghi ithumla aphikemi lau panoqo puwu nani. Hipaqo lau puwu nani: Spein, Libya, Lidiya lo asuzu pekithimi lau eno Tubal ngo Greece lo. Ashiayeh hipaqo gholo panonguno ijekipi pesu asheshu nani.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 50:8

“Israil lo kuamiqo Babilon lono povelo! Aghakhu tipau qhivelo! Nongu paghino tipau qhivelo!

EZEKEL 33:33

Ikemu kughono otsa kumtsu kuchou shi kupuveni keno tipaqoye kuchouno shi nani, tileno panoqo gholo tungkupu lakhi ache kenapi panonguno ithi nani.”

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

ZEKHARIA 1:16

Tighenguno niye aphughi shou kimiyeqhiyi nike Jerusalem lo ideighi ani. Ichinekiye shikitheve nani eno aphughiye shikithe pukuve nani.”

ZEKHARIA 2:5

AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”

ZEKHARIA 3:10

Kughou tipa tsala ighini keno, notsayili ngo khughuthibono nongu suhope puzu nongu milakhi khino pa kusami vilo alokughuno eno sushokulu lokivi shilopi ku-kusu shi nani.”

ZEKHARIA 8:3

Niye Jerusalem, ikimthe phughilo ideighi nani eno tile anani. Tiye pichebekulu phughi ipi ithipe nani eno Aqokitikhi MPEU toghiye akimthe toghi ipi ku nani.

ZEKHARIA 8:8

Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

John 17:23

ino panongu lolo akeu eno nono ilolo akeuno kupukulu shike kutolo panonguye lakhi shi apenike, tishianguno nono ipuwu kepi ayeghiqha pelo ithi peni eno nono ikimiye kehutoi panoqo kimiye akeu ithipenike.

John 17:25

Apu Amikuchou! ayeghiqhaye omtha ikemu niye no ithi ani, eno nono ipuwukepi hipaqono ithi ani.

Apostolmi 28:28

Paul no highi pi, “Nonguno hi ithikepushi ani, tiye Alhou wu xakulupu tsakiviuye Judakumomi lau puwutsu ani. Panonguno initsu nani!”

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”