ZEKHARIA 2:10 - BAIBEL (BSI)

¹⁰ AMPEU no pi, “Alokivishi ale phelo, Jerusalem lo akemiqo! Niye nongu gholo xunike chenie!”

Sumi Naga CL (Re-edited) Bible (BSI)

¹⁰ Alephe eno alovilo, O Zion limi, kughengu julo, I no ighi no nongu gholo xü nani, Ampeu no asheshu.

ZEKHARIA 2:10 ပူးပေါင်းရင်းမြစ်များ

LESHELE 40:7

Ino ishi khochile, “Julo, likuzu kakulo ighili yepepua keu kiqi lono ighi ani.

LESHELE 68:18

Pano aghumi leluvekeqo pa gholo no sasu qhemghaikeu-alo ikuke; pano hekibidemi launo mllakeu gho ikhilue. AMPEU Alhou no tile ngoche nani.

IPEKULU 29:45

Ino Israilmi gholo ache nani eno niye panoqo Lhou shive nani.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

ISAIAH 37:22

AMPEU no pa kughape kishiveni cheni keno tipau tsa hipau piani: “Jerusalem phughino ojunu ani eno omithi ani, O Senakerib.

ISAIAH 42:10

Ale kithe lakhi AMPEU shipililo; Ayeghi shekha kutolo pa sheqhekeu phelo! Pa sheqhelo, nongu azughi shou zukilu tuha chemiqo; tile lhoxu akeqo kumtsu pa sheqhelo! Ayeghi putou akeqo eno tile akemi kumtsu pa sheqhelo!

ISAIAH 48:20

Babilon lono ipevelo, khaqhiphe pesu wuvelo! Alokivishi asutsa kithe pesu asheshulo; aqha kumtsu tipau ithipelo: “AMPEU no pa qeu Israil xaluveake!”

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 52:11

Nongu achineki nhemgha xapuche kemiqo, nonguye mutsuqheino Babilon qhivelo! Chinikepu nhemgha kiumu bukevilo; nonguye akimtheshi apuzu chevelo.

ISAIAH 54:1

Jerusalem, noye totimi anu hami lakhi toi acheke, ikemu itehi noye alokivi launo ighamuku alephelu nani. Noye totimi akimino khilemu phe mokeu nguno alaushi itehiye atianuli shilu nani!

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

JEREMIYA 30:19

Timi khunoqono tilehi xuacheni keno shekiqhe lephe nani; Panonguno alokivi launo igha asheshu nani. Ikukumgha vechewo panonguye timi lhoxu ikowoluve nani; ikukumghano agigihupu panoqo lau sughitsu nani.

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

ACHINE 26:12

Ino nongu gholo anani, niye nongu Lhou shi nanike eno nonguye iwu timi shi nanike.

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

ZEKHARIA 1:16

Tighenguno niye aphughi shou kimiyeqhiyi nike Jerusalem lo ideighi ani. Ichinekiye shikitheve nani eno aphughiye shikithe pukuve nani.”

ZEKHARIA 14:5

Nonguye atoghi kijetha kini shivetsukeu khila vechesu kuhapolu nani. Juda lo Akukau Uziya ghulokilo ayeghi kughuthano ilukelo nopuasu qono kuhakive polu keshi nongu ghi kuhapo nani. AMPEU iLhou ye pa gholo kungumi kumtsu sasu ighi nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

ZEKHARIA 2:5

AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”

ZEKHARIA 8:3

Niye Jerusalem, ikimthe phughilo ideighi nani eno tile anani. Tiye pichebekulu phughi ipi ithipe nani eno Aqokitikhi MPEU toghiye akimthe toghi ipi ku nani.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

FILIPIAMI 4:4

Pulhapuju Ampeu lono alovilo, ino itaghi pi ani: alovilo!

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Piyeküsü 21:3

Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.