ZEKHARIA 14:2 - BAIBEL (BSI)

² AMPEU no ashiayehqo kumtsu kumtsa saghieno Jerusalem sasu aghushipe nani. Aphughi huye leluve nani, akilo aghikeu xulepuwuve eno totimiqo sazuvetsu nani. Timi tuxaye akughu shisu wuve nani ikemu kutamiye aphughi tipau lono sawuvemo nani.

Sumi Naga CL (Re-edited) Bible (BSI)

² Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

ZEKHARIA 14:2 ပူးပေါင်းရင်းမြစ်များ

ISAIAH 13:16

Panonguno kiumu shimlaveno juapulaghi panoqo tianuliye munuda pithive nani, panoqoki xupuwuve nani eno panoqo nipuye sazuve tsu nani.”

ISAIAH 4:3

Jerusalem lo qhivekemi thaqhu, Alhou no xuaghipeniye kisheluve kemiye akimthe kepi ku nani.

ISAIAH 5:26

AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

ISAIAH 65:18

Ino lhophekeulo pulhapujulo alokivi eno alokiqi shiachelo. Jerusalem akitheu ino lhophe akeuye alokivino chhitoi nani eno li timiye alokivimi shi nani.

JEREMIYA 21:4

Zedekiya vilo pilopikeu pesu ino pike: “Zedekiya, owu ghushimi qono Babilon kukau ngo pa ghushimi sasu aghushi akeulo ino nongu pelo tomlave peni cheni. Aphughi mtsalono ino owu ghushimiqo ghunanu kisheqhipe qhi nani.

JEREMIYA 34:1

Kughou Babilon kukau Nebukadnezar ngo pawu aghumiqo, ashiayeh jeli khunoqono pa qholo achekemiqo muqono panoqo choqhepe puzu Jerusalem ngo tipau holo taunqo le akeno AMPEU no iputsake.

AKUMLO 1:10

Aghumino liwu kinikulu kumtsu suxalu khavae. Tipaqono Achineki alou iloghikeu ithuluke, tipa aye Ashiayeh kutami pelo iloni keu AMPEU no lakha puake.

EZEKEL 5:8

Tighenguno, ni Akughushu MPEU no ovilo pianike niye oghumike. Ashiayeh kutamino ithukulupua lono ino oshou kughakuthabe nani.

JOYIL 3:2

Ino ashiayeh hekutsu puzu Jehoshafat Khilalo panoqo saghi nani. Tilehino panonguno iwu timiqo shou shipepuakeu jeli kumtsu ghe- ghuno ino panoqo shou kughathabe nani. Panonguno inaghami yeghilo Israilmi apanagha haleveke, eno iyeghi, Israil kijethavetsuke.

JOYIL 3:9

“Ashiayeh kutamiqo gholo hipau asheshulo: ‘Aghushinike kutolo; no-ghutomiqo ku-kumqolo; no-ghushimiqo kumtsu hekutsuno chelo!

AMUS 7:17

Ike AMPEU no no Amaziya vilo piani, ‘Onipuye alaghilalo kutuqhalimi shiwuve nani eno otianuliqoye aghushi lono thi nani. Noghakhuye kijeveno kutami tsuve nani, eno noye akumthami inagha lono thive nani. Israil lo akemiqoye pano yeghi lono sawuve puzu hapuwuve nani.’ ”

ZEKHARIA 12:2

“Ino Jerusalem pesu aji jukhu lakhi toi shitsuni; eno ashiayeh kutami li sukumxalo akeqono yepusu shokumzumi toi hevulalai nani. Kughou panonguno Jerusalem khasuluve nikeno Juda lo aphughi kutau akeqo ghi khasuluve nani.

ZEKHARIA 12:3

Ikemu tipa tsalanilo ashiayehqo ghenguno ino Jerusalem pesu atuqu kimishi lakhi toi shitsu nani. Ashiayeh khuuno tipau peqheju niye pukaputsani keno pano likhi pano ghuzave nani. Ayeghiqhalo ashiayeh kumtsu kuqhano li lenike ighi nani.

ZEKHARIA 12:9

Tipa tsalalo Jerusalem leniye ighikemi shiayehqo kumtsu ino kutsaleve nani.

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.

Mark 13:14

“Ikemu kughou akuighupu kutsakungokeu huno pano ngomokepu alo puthugho aghikeu nonguno ithuluni keno (phiakeuno vethaluvelo), tile khunoqono Judia lo anikeno naghutolo pokalulo. “

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

Luke 2:1

Hipa ghulokilo Rom yeghiqha kumtsulo timi lhoxu hesa kutsu nike Akukau Agostus launo ahza puwu.